Mizrakli: Em ê lê bixebitin bajarekî bê asteng ava bikin

 

 

 

Hevserokê Şaredariya Bajarê Mezin a Amedê Adnan Selçûk Mizrakli, serdana Navenda Jiyana Çalak a li Parkormanê û Midûrtiya Şaxa Astengdaran a li Sumerparkê kir û xebatên der barê astengdaran de li cih venêrtin.

Hevserokê Şaredariya Bajarê Mezin a Amedê Adnan Selçûk Mizrakli, bi boneya 10*16ê Gulanê Hefteya Astengdaran a Cîhanî serdana Navenda Jiyana Çalak a li Parkormanê û Midûrtiya Şaxa Astengdaran a li Sumerparkê kir. Mizrakli li cihê astengdaran geriya u der barê xebatan de agahî wergirtin. Di serdanê de alîkarên sekreterê giştî, serekên daîreyan û berpirsyarên beşan amade bûn.  

Mizrakli serê pêşîn berê xwe da Navenda Jiyana Çalak ya li Parkormana li navçeya Peyasê û der barê navendê de agahî ji rayedaran wergirt. Mizrakli bal kişand ku divê navend bibe cihê bicihanîna daxwaza astengdaran û xwest ku berhemên di atolyeyên astengdaran de tên hilberandin bila wisa bên pêşandan ku her kes bibîne. Pişt re Mizrakli li “Cafeya +1” ya navendê geriya û xwest demildest kêmasiyên wê bên qedandin û cafe bo xizmetê bê vekirin.

Mizrakli berê xwe da Sumerparkê û di Midûrtiya Şaxa Astengdaran de çavdêrî kirin. Mizrakli bal kişand ku ew lê dixebitin bajarekî bê asteng ava bikin û got ku ev gerînendetî destpêka wî bajarî ye. Mizrakli xwest ku Midûrtiya Şaxa Astengdaran der barê astengdariyên Amedê de raporeka berfireh amade bike û got, ew ê xebatan li gorî wê raporê bimeşînin.  

Salname Lêgerîn

« Gulan 2019 »
Duş Sêş Çrş Pên İn Şem Yek
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

HAVA DURUMU

Cloudy

17°C

Diyarbakır

Cloudy

Humidity: 83%

Wind: 4 km/h

  • 24 May 2019

    Mostly Cloudy 33°C 15°C

  • 25 May 2019

    Scattered Thunderstorms 32°C 16°C