Dibistanên Spora Havînê dest pê kir

 

Şaredariya Bajarê Mezin a Amedê bi 9 branşên sporê di bin 7 sernavên perwerdeyê de Dibistanên Spora Havînê li dar dixe. Dibistanên Spora Havînê bi maweyê du mehan tên lidarxistin û tê çaverêkirin ku 7 hezar û 180 zarokên 7-16 salî jê sûdê werbigirin.  

Serokatiya Daîreya Xizmetên Spor û Ciwanan a Şaredariya Bajarê Mezin a Amedê, bi mebesta zarok havîna xwe baş derbas bikin û di warê fîzîkî û civakî de xwe bi pêş bixin, Dibistanên Sporê Havînê li dar dixe. Dibistan bi beşdariya 7 hezar û 180 zarokî dest pê kir.  

Kurs dê 8 hefteyan dewam bikin û di kursan de qurên futbolê, basketbolê, voleybolê, avjeniyê, kişikê, tenîsê, karateyê, jîmnastîkê, zanist û teknolojiyê, leyîzên aqil û jîrahiyê, nivîskar û afrîneriyê, matematîka kêfxweşî, xwendina lez, xebatên geryanê û muzîkê tên lidarxistin. Kurs li Mala Zanînê, Sumerparkê, Dezgehên 500 Evleriyan û Melevangeha Seyrantepeyê têne pêkanîn.    

Zarokan serlêdan li Dibistanên Spora Havînan di 9 branşên cihê cihê yên sporê de kir û kelûpelên sporê ji aliyê şaredariyê ve bêpere li zarokan hate belavkirin. Perwerde dê li 7 cihan bêne pêkanîn û 40 rahêner dê di kursan de dersan bidin.

Salname Lêgerîn

« Tîrmeh 2019 »
Duş Sêş Çrş Pên İn Şem Yek
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31