Şaredariya Bajarê Mezin bi slogana “Bi Rengên Cuda Cuda Zarokno Werin Şahiya Bafirokan” şahiya bafirokan li dar xist, ezmanê bajêr bi rengên bafirokên zarokan xemilî.
Serokatîya Daîreya Xizmetên Spor û Ciwanan a Şaredariya Bajarê Mezin, ji bo zarokan şahiya bafirokan li dar xist. Şahî, li Qada Futbolê ya Sentetîk a li Newala Sporê ya Zanîngeha Dîcleyê bi slogana “Bi Rengên Cuda Cuda Zarokno Werin Şahiya Bafirokan” hate lidarxistin. Di şahiyê de Sekreterê Giştî Muhsîn Eryilmaz û malbatên zarokan amade bûn.
Zarokên bi otizm bafirok firandin
Bafirok di serî de ji aliyê xebatkaran ve hatin amadekirin û paşê li zarokan hatin belavkirin. Zarokan li ber stranan bafirokên xwe bi hewa xistin û kêf û şahî pê kirin. Şahî li meydana vekirî hate pêkanîn û zarokên bi otîzm beşdarî firandina bafirokan bûn.
Rûyê zarokan hate rengandinê
Serokatîya Daîreya Karûbarên Civakî û Çandî ya Şaredariya Bajarê Mezin jî, li kêleka qada futbolê ya zarokan bafirok lê berdan ezmanan stant danîn û li vê derê çalakiya rûrengandinê û dest danîna nav boyaxê bi zarokan kirin. Zarokan şopa destê xwe li kevalan kirin û ew keval dîyarî wergirtin. Çalakî 2 saetan dewam kir û paşê zarok û malbatên wan ji aliyê wesayitên şaredariyê ve bo navnîşanên wan hatin veguhastin.