Print this page

Karaloglu tewrê merasime akerdişê xizmetan bîyî

Beldeyê Uçocakî ya ke qezaya Aricaxî ya Xarpêtî ra girêdîyayê de merasime akerdişê rayîrî virazîya û Walîyê Dîyarbekirî Munır Karaloglu tewrê merasîmê bîyî.

Beldeyê Uçocakî ya ke qezaya Aricaxî ya Xarpêtî ra girêdîyayê de akerdişê rayîrî ke  hetê Yewîye Şaredarîyan û Şareadrîya Bajarê Girdî ya Dîyarbekirî ameya viraştiş, virazîya.

Walî Karaloglu merasim de qalî kerd û da zanayene ke ziwan, kultur û gelêrîyê qezaya Palo, Hênî, Pîran,Aricax û Licê yew o.

Walî Karalogluyî aşkera kerd ke Kombîyayişê Hênî de ameya kîfşkerdiş ke rayê mabênê Hênî-Beldeyê Uçocakî semedê hemwelatê ke tîya de cuyenê cyêko girîng der o aye ra bire girîya ke rayîrî bêra viraştiş.

Walî Karaloglu : “Hem hetê Şareadrîya Girdî hem zî hetê Yewîye Şaredarîyan Beldeyê Uçocakî rê xeylê ardim yena viraştiş.La tewr çîyê girîng nê rayîrî. Eke rayîr çînî bo têkilîyê hemwelatîyn zî aver neşînê. Sey Birêz Serekkomare ma vano “Rayîr Medenîyet o.” Raşta zî rayîr û awe medeniyet î. Eke binawanîye bajarêke çin bo şima her çi zî bivirazê veng ra şino.”

Karalogluyî da zanayene ke mabênê 15 rojan de xebata pînekerdişî ya mabênê Çukur û Uçocakî ameya viraştiş û seba akerdişê rayîrî zî fînasman ameya peydakerdiş.

Karalogluyî da zanayene ke  aşmê zimistanî de 9 kîlometreyin rayîr de xebata binawanî bêra viraştiş.

Rayîrê Xarpêt û Dîyarbekirî endî hîna nêzdî yo

Karalogluyî da zanayene ke Dîyarbekir merkezê Mezopotamyaya cor, Xarpêt zî merkeze Başûrê Rojhêlatî yo aye ra pê qedîyayişê ina xebate Rayîrê Xarpêt û Dîyarbekirî hîna nêzdî bo.

Karalogluyî mijdan daye ke rayê mabênê taxa Bukardî ya Xarpêtî û pîranî aşmê amnonî de bêra viraştiş û badê îzeh kerd ke rayê mabênê Xarpêt û Dîyarbekirî bêra zêdekerdiş.

Karalogluyî aşkera kerd ke vere cû ina mintiqa hetê xizmetî de zaf erey mendbi la nika ferqê ina mintiqa yê binan ra nêmendo.

Karalogluyî wina vat : “Rojnamegerê ke vere cû  Dîyarbekir û Van ra agêyrenê destpêkî nuşte û qalîekrdişê xo de îzeh kerdêne ke Nê mintiqa zaf erey mendê. A roje raşt bî la ewro nê mintiqa sey bajarê binan aver şî. Kes nêeşkenê ke vaje erey mendo. Kamî ina şertan peyda kerd, Recep Tayyîp Erdoganî kerd. Homa razî bo û pawte homayî bo. Homa bêbextiye zî qismetê ma mekero. “

Karalogluyî qalîkerdişê xo wina qedînay : “Îznê Homayî ma xizmetanê hîna weş bivirazê.Beso ke pirde ke ma zerrîyê şima de awan kerdo akerde bo.Hetanî ke o akerde bo ma do derdanê şima pê derdanê xo bivînê. Xizmetkerdişê şima deynê ma yî. Ma deynanê xo dane. Hetanî Homa xêz û emr bido ma, ma do xizmetê şarî de bî.”

Merasîm Rê Walîyê Xarpêtî Erkaya Yırık, Şaredarê Hênî Ibrahım Lale, Serekê ŞareadRîye Uçocakî Yılmaz Yegul û hemwelatîyan zî beşdar bîyî.