Şaredarîya Girdî problemê dekewtîşê otogarî çareser keno

Birêz Walî û Serekwekîlê Şaredarîya Bajarê Girdî ya Dîyarbekirî Hasan Basri Guzelogluyî dîyar kerd ke dekewtîşê DÎŞTÎ ya ke gora trafîkî nêameybî plankerdene newe ra yeno serrastkerdene û demêko nejdî de bikuwe xizmetê şarî.

Şaredarîya Bajarê Girdî ya Dîyarbekirî giringîye dana gerre û waştîşanê hemwelatijan û semedê hemwelatijan şewe û roje xebitiyenî.Şaredarîya Girdî dekewtîşê DÎŞTÎ ya ke gora trafîkî nêameybî plankerdene û xeylê qezayan rê sebeb bîyîbî newe kena.Hemwelatijan probleme dekewtîşê DÎŞTÎyî resayî Walî û Serekwekîlê Şaredarîya Bajarê Girdî ya Dîyarbekirî Hasan Basri Guzelogluyî.Walî Guzelogluyî zî waştîşanê hemwelatijan ser o serekê dayîreyan ra pêvînayiş viraşt û dîyar kerd ke ganî dekewtîşê DÎŞTÎyî gora trafîkî newe ra bêro plankerdene û semede destpêkî xebatan talimat daye.Plankerdîşan ra dima ekîbanê Serekîya Dayîreyê Ewnîyayîşê Rayîr û Koordînasyonê Binawanîye dest pê xebatan kerd.Walî Guzeloglu û Midurê Asayîşê Bajarî ya newe Şukru Yamanî  pîya ameyî tîya û tîya de aşkerayîyêk daye.Birêz Guzelogluyî aşkera kerd ke waştîşanê hemwelatijan semede ci zaf giring o û o semed problemanê şarî ya ke Walîtî û Şaredarîya Girdî ser o ameyî resayene bê mîyan yeno çareserkerdene.Walî Guzelogluyî aşkerayîyê wîna domna:”Ma waxto ke ameyme wezîfe nata semede keyfweşîya şarî bê mîyan xebitiyenî.Ma zaf giringîyê danî waştîş û gerreyê şarê xo.No otogare de xeyle waxt ra nata problem estbî.Dekewtîşê otogarî gora mewzuatê trafîkî nêameyo plankerdene û o semed hemwelatijanê ma zaf xidarîye onceno.Hemwelatijê ma no probleme xo resayî ma, ma zî tike pêvînayişan ra dima bire girewt ke,dekewtîşê otogarî newe ra bêro plankerdene û problemê hemwelatijanê ma çareser bibo.Xebatê plankerdîşî ya newe ewro bi leze dest pêkerd û bi no xebate endî ma hem resê hemwelatijan kenî asan hem zî, rayîropîl û  peyê otogarî ra zî resayîş mumkun bibo.

Ma hewteyo peyên zî xebatê ke erey mendîdî dabî dest pêkerdene.Ma otogar de xebate pakîye dabî dest pêkerdene û nika zî bi no xebate probleme dekewtîşê otogarî çareser beno.Ma bê nê xebatan mîyanê programê sermeyagozarîya 2020 de zî semede otogare projeyêko pîl hadre kerd.2020 de binawanîya otogarî ra heta ewnîyayîşê fîzîkî xeyle xebat bêrî viraştene.”

Walî Guzelogluyî dîyar kerd ke semedê ke waştîşanê hemwelatijan bîyaro ca zaf xebitiyena û bede wîna dewom kerd:”Ma heme îmkananê şaredarîye semedê hemwelatijan,asankerdîşê cuya hemwelatijan şuxulnenî. Ez karker,endezyar û selahîyetdaranê şaredarîyê rê spas kena û ez wazena ke no xebate heme hemwelatijan rê xeyrin bo.”

Qalîkerdişan ra dima ekîbanê Serekîya Dayîreyê Ewnîyayîşê Rayîr û Koordînasyonê Binawanîye bi rijnayîşê peyarayîran dest pê xebate kerd