Guzeloglu,ganî îstîhsalê zîrete aver şero

Walî û Serekwekîlê Şaredarîya Bajarê Girdî ya Dîyarbekirî Hasan Basri Guzelogluyî,wayîrê kargehanê OSBê ra ameyî têhet û aşkera kerd ke ganî îstîhsalê zîretî aver şero.

Walî û Serekwekîlê Şaredarîya Bajarê Girdî ya Dîyarbekirî Hasan Basri Guzelogluyî wayîrê kargahanê OSBê ra ameyî têhet.Têhetamayîş rê Walî Guzeloglu,Serekê DTSOê Mehmet Kaya,Serekê Yewîya Esnaf û Sinatkaran Alican Ebedinoglu,Serekê Borsayê Bazirganî Engin Yeşil,Serekê Dayîreyê Geşkerdîşê Çiman Hikmet Güneş û Serekê Dayîreyê Esnafan Hüseyin Paksoy û wayîrê tesîsan beşdar bîyî.

Walî Guzelogluyî vere kombîyayîşê tesîsê serebirnayişê heywanan a newe gêrayî û derheqê xebatanê tîya de agahî girewt.Walî Guzeloglu wayîrê tesîsan û Ajansê Averşîyayîşê Zîretê ya ke 5 mîlyon 500 hezar TL piştgirî dayîbî proje pîroz kerd.

“Ganî nê tesîsan de goşt zî bêro îstîhsalkerdene”

Walî Guzelogluyî tesis de gêrayî û bade aşkerayîyêk daye.Walî Guzelogluyî:”Dîyarbekir hetê îstîhsalê heywandarîye de cayêko girîng dero.Ma wazeme ke w abes nîyo û ganî bajarê ma hetê zîret û heywandarîye de henî aver şero.Semedo averşîyayîşê îstîhsalî çi dest m ara bêro ma do texsîr nêkenê.Ma bi no wesîleye ez bawera ke nêzdîye 100 heb kesan kerd wayîrê kar.Ez wazena ke no têhetamayîş û kombîyayîş xeyrîn bo û ez heme beşdaran rê spas kena û îstîhsalkerdoxan rê zî serkewtîşî wazena.