Walî Guzeloglu awanîya 4.Sîteyê Oto Sanayîyê wekenit

Ser rayîrê Dîyarbekir- Xarpêt de awankerdişê 4.Sîteyê Oto Sanayîyê dewom keno û Walî û Serekwekîlê Şaredarîya Bajarê Girdî ya Dîyarbekirî Hasan Basri Guzeloglu zî awanîya ke dewom kenê wekenit û aşkera kerd ke serra 2020 de 4.Sîteyê Oto Sanayîyê bikuwe xizmetê şarî.

Semedo ke îstîhdam û averşîyayîşê bajarê geş bibo 4.Sîteyê Oto Sanayîyê yeno awankerdiş.Walî û Serekwekîlê Şaredarîya Bajarê Girdî ya dîyarbekirî Hasan Basri Guzelogluyî zî semedo ke derheqê xebatan di agahîye bigîro, ame tîya û awanîya oto sanayîyê wekenit.

Walî Guzelogluyî aşkera kerd ke Dîyarbekir bi xebatanê wînasî ganî bêro qalîkerdene û bade wîna dewom kerd:”Tîya de hetê awanîye vera tike problem estbî la m abi bire meclîsê no probleme çareser kerd.Binawanîye ra hetanî resê tîya heme probleman bêrê çareserkerdene.4.Sîteyê Oto Sanayîyê de 814 kargeh, awanîya îdareyî, suke, banqa, awanîya PTTê, firin zî estê yanî semede heme îxtîyacê hemwelatijan her çi estê.Ma wazeme ke tîya de enerjîya tîje bêro xebitnayene.Ez ewilî Birêz Serekkomarê ma rê, badê heme kesanê ke kedê Înan kewtî no xebata girîng spas kena.”