Guzeloglu tewrê çalakîya “Sifir Eşte” bî

Walî û Serekwekîlê Şaredarîya bajarê Girdî ya Dîyarbekirî Hasan Basri Guzeloglu û cinîya ey Ayşe Guzeloglu, tewrê çalakîya “Sifir Eşte û Perwerdeyê Dormele rê Hurmet” bîyî.

Bi rayberîya cinîya Serekkomar Recep Tayyip Erdoganî, Emine Erdogane semedo ke vere zayîyê bêrê girewtiş, çalakîya “Sifir Eşte û Perwerdeyê Dormele rê Hurmet” dest pêkerdîbî û çalakÎya “Sifir Eşte” Salonê Konferanse ya Keyeyê Mamostayan ya Şaredarî de virazîya.Çalakîyê rê Walî û Serekwekîlê Şaredarîya Bajarê Girdî ya Dîyarbekirî Hasan basri Guzeloglu û cinîya ey Ayşe Guzeloglu, Parlememterê Dîyarbekirî Ebubekir Bal û cinîya ey, Midurê Asayîşê Bajarî Şukru Yaman û cinîya ey, Fermandar Cenderme yê Bajarî Tuggeneral Mustafa Erdem û cinîya ey, Serekê AK Partîya Bajarî Suleyman Serdar Budak û cinîya ey, Serekê Dayîreyanê Şaredarî î qursîyeranê ADEMî bedşar bîyî.

Çalakî bi vindertişa hurmetê û wendîla Marşa Îstîqlalî dest pêkerd û bade heme beşdaran vîdeoyêk derheqê “Sifir Eşte” de temaşe kerde.

Na proje semedê dormeleyêk henî pak lazimo”

Walî û Serekwekîlê Şareadrîay Bajarê Girdî ya Dîyarbekirî Hasan basri Guzelogluyî aşjkera kerd ke no çalaki Tirkîya de dest pêkerd û ganî heme cîhane rê bibo nimune.Walî Guzelogluyî bi vîr vist ke projeye “Sifir Eşte” bi rayberîya Birêz Emine Erdogane dest pêkerd.Badê Walî Guzelogluyî wîna dewom kerd:”Hem bawerîya ma hem zî semede dorûverî “Sifir Eşte” projeyêko zaf girîngo.No proje semede dormelyêk henî pak û sibaroja ma lazimo.Eke ewro no projeyi rê ma wayîr bivejiyî û do bibo sey nimune.Ma ganî çopanê xo cîya bikerê.”

Walî Guzelogluyî aşkera kerd ke Dîyarbekir de demêko newe dest pêbikero û bade wîna vat:”Ma wazeme ke bajarê ma henî bibo bajarêko pak. Gora serranê verênan ma xeyle gam eşt.La ma zaneme ke bes nîyo.O semed ma do pêynîya serre 2020 de Merkezê CîyakerdiŞê Çopan awanbikerîme.Ma do no babete de Merkezê Keye û Cinîyan de endî xeylê perwerdeyan bideme û ma wazeme ke cinîyanê ma gedeyanê xo rê û heme komele rê bibên rayber.Biewnîrê ma vernîya yew çopê zî bigirî no xeyrêko zaf gird o.Eke şima wayîrê no projeye bivejiyî no proje do serkewe.Ez bawera ke Dîyarbekir hurmetê dormele û sifir eşte de mabenê Tirkîya de bibo nimune.Ez no xebata girîng de heme hemwelatijan rê serkewtîşî wazena û ez bi taybetî cinîyanê ma rê spas kena.”

Qalîkerdişa Walî û Serekwekîlê Şaredarîya Bajarê Girdî ya Dîyarbekirî Hasan Basri Guzelogluyî, kedê înan vera cinîya ey Ayşe Guzelogluye rê plaket ame dayene.Badê Ayşe Guzeloglu û endamê protokole qursîyeranê ADEM’an rê dîyarî vila kerde.

Serrnameyî de bigêre

« Kanûne 2019 »
Diş Sêş Çrş Pan Yen Şem Yşm
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31