Rayîrê Xizmetê de 100 rojî de DÎSKÎ

Walî û Serekwekîlê Şaredarîya Bajarê Girdî ya Dîyarbekirî Hasan Basri Guzeloglu, qepsema kombîyayişê xebatanê Midurîya Pêroyî yê Îdareyê Awe û Kanalîzasyonî ya Dîyarbekirî (DÎSKÎ) de qalî kerd û aşkera kerd ke Royê  Dîcle de semedê pakîye xebatanê zaf girîng bêro viraştiş.

Walî û Serekwekîlê Şaredarîya Bajarê Girdî ya Dîyarbekirî Hasan basri Guzeloglu, kombîyayişê xebatanê DÎSKÎyî ya 100 rojî rê beşdar bî.Kombîyayiş qezaya Peyasî de otelêk de virazîya û kombîyayiş rê Walî Guzeloglu,Hetkarê Walî û Midurê Pêroyî ye DÎSKÎyî Ahmet Naci Helvaci,serekê dayîreyanê DÎSKÎ û rojnamegeran beşdar bîyî.

Walî Guzelogluyî vîr vîst ke berpirsîyarîyî DÎSKÎyî zaf girîng o.Badê Guzelogluyî dîyar kerd ke awe şimitişî, îdareyê awe eşte berpirsîyarîyo verên ya DÎSKÎyî û dima Guzelogluyî vîna domna:”Ma semede heqanê temel û sosyal ya hemwelatijanê xo bê mîyan şewe û roje xebetiyenî.Teserif semede ma çîyêko zaf girîng o û ma xebatanê xo gora ci viraşt.Ma warîdatê DÎSKÎyî 14 mîlyon 200 hezarî ra 20.5 mîlyon TLyî rê vet.Şima zî zanenê ma heta nika 7 îhaleyî ra pêroyî de 17.3 mîlyon TL teserif kerd.Ma DÎSKÎyî bi deynan girewt heta nika pêroyî de 69 mîlyon 464 hezar 555 TL deyn dîya.Ma wazeme ke nê deynanê giran demêko nêzdî de biqedo.Ma hemwelatijanê xizan rê awe şimitişî de se ra %50 erjanî kerd.Nika 80 hezar abone awe şimitişî erjan gênê.Reyna qepsema xebatanê awa şimitişî de 3 qeza de 42 hezar 550 metre xetê awa şimitişî û 15 hezar 500 metre xetê awa şilîye virazîya.Sewbînan 125 hezar 440 metre ewnîyayişê şebekeyê kanalîzasyonî virazîya û bedelê ci 5.5 mîlyon TL yo.Mabenê 2 serrî de probleme awa şimitişî bêro çareserkerdiş û no qepsam de 829 hezar metre xetê şebekeyi, 410 hezar metre xetê îsale, 162 heb bîr, 143 heb depoyê awa şimitişî,46 hezar metre xetê neqlî bêrê viraştiş.Ma semedo ke weşîya şarî bipawê awa şimitişî 7 roje û 24 saet bi SCADA teqîb kenî.Kalîteyê awa şimitişî pê 496 nimune yeno kontrol kerdiş.Ma semedo ke probleman henî bi leze çareser bikerê, pêroyî de muxtar û qeymeqaman ra 20 kombîyayiş viraşt.Ma do teserifê awe di bi xebatanê şirîk pê Midurîya Perwerdeyê Milî gedeyanê xo derheqê zayîya awe de salix bikerê.Semedê pawitiş û pakÎya Royê Dîcle zî xebatanê ma estê.”