Print this page

Kitabxaneyo vengin dest pê xebatan kerd

Şaredarîya Bajarê Girdî yê Dîyarbekirî semedo astengdarê çiman reyna qeydê kitabxaneyo vengin akerd.

Şaredarîya Bajarê Girdî yê Dîyarbekirî semedo ke cuyê astengdaran hînî asan bikero xebatanê xo domneno.Serekîya Dayîreyê Xizmetanê Sosyal yê Şaredarîya Bajarê Girdî yê Dîyarbekirî na rey zî semedo astengdarê çiman xebata kitabxaneyo vengin da dest pêkerdiş.Odeyê qeydê kitabxaneyo vengin Ware Cuya Muşterek ya Sumerparqî de a bî. Kesanê zerrîwaz eşkenê Midurîya Astengdaran yê Serekîya Dayîreyê Xizmetanê Sosyal yê Şaredarî de qeydê xo bivirazê û tîya de semedê astengdaran, kitab, roman û helbestan biwanê.Ekîbanê şaredarî nê qeydan gênê Û pê CD danê astengdaran.

Sewbînan tîya de selahîyetdaranê şaredarî deyrê astengdaran zî gênê binê qeydî.