Mabenê Şaredarî û ASELSANî de pêameyîş virazîya

Mabenê Şaredarîya Bajarê Girdî yê Dîyarbekirî û ASELSANî de seba “Çareserîyê Bajaranê Biaqil” pêameyîşêk ame îmza kerdiş.

Semedo ke şaredarî hemwelatîyan rê xizmetêko hînî weş û girîng bide mabenê Şaredarîya Bajarê Girdî yê Dîyarbekirî û ASELSAN o ke derheqê teknolojîyanê biaqil,res û dorûverî de xebatanê girîng keno ra pêameyîşêk îmza kerde.

Merasîmê îmza qezaya peyasî otelêk de virazîya û merasim rê Walî û Serekwekîlê Şaredarîya Bajarê Girdî yê Dîyarbekirî Hasan Basri Guzeloglu, Serekê Rêveberîye ASELSANî Prof. Dr. Haluk Görgün, Fermandarê MintiqaTuxgeneral Mustafa Başoglu, Fermandarê Meqanîze Tugayî 16ine Tuxgeneral Ali Fuat Arikan, Rektorê Unîversîteya Dîcle Prof. Dr. Talip Gul, Hetkarê Walî û Midurê Pêroyî yê DÎSKÎ Dr. Ahmet Naci Helvaci, Hetkarê Walî Şemsettin Kaya, Midurê Asayîşê Bajarî Şukru Yaman, Fermandarwekîlê Cenderme Albay Fatih Kılınç, Sekreterê Pêroyî yê Şaredarîya Bajarê Girdî yê Dîyarbekirî Muhsin Eryilmaz, Serekê Şaredarîya  Baxlarî Huseyin Beyoglu, selahîyetdaranê ASELSANî û temsîlkarê STK’yan beşdar bîyî.

Merasîm pê wendîşa Marşa Îstîqlalî û vindertişê hurmetî dest pêkerd.Badê sînevîzyonê daşinasnayîşê bajaranê biaqil yê ASELSANî ame temaşe kerdiş. , Serekê Rêveberîye ASELSANî Prof. Dr. Haluk Görgün akerdişê merasîmê de qalî kerd û aşkera kerd ke nê projeyan semedo amayox û averşîyayîşê Dîyarbekirî zaf girîng o.

Badê Walî û Serekwekîlê Şaredarîya Bajarê Girdî yê Dîyarbekirî Hasan Basri Guzelogluyî qise girewt û xîtabê beşdaroxan kerd.Walî Guzelogluyî:”Dîyarbekir do bibo sifteyê heme çîyanê weş.Dîyarbekîr bajarê neweyîye yo.Ma wazeme ke bajarê ma heme cayon di aver şêro û ez wazena ke no pêamayîş heme hemwelatîyan rê xeyrin bo.”

Walî Guzelogluyî badê bal ont giringîya no pêamayîşê ser o û derheqê xebatan di agahî daye.