Şaredarî verê Roşanê Remezanî teftîşanê xo domneno

 Şaredarîya Bajarê Girdî yê Dîyarbekirî semedo ke weşîya şarî bipawo verê Roşanê Remezanî market û şîranîroşan di teftîşanê xo zedna.Ekîbê Zabita û Kontrolkerdişê Xida verê Roşanê Remezanî lez daye teftîşan.

Şaredarîya Bajarê Girdîyê Dîyarbekirî semedo ke weşîya şarî bipawo verê Roşanê Remezanî  market û şîranîroşan di teftîşanê xo bê maben domneno. Ekîbê şaredarî îmalatxaneyê şîranî û cayê ke şîranî roşenê  teftîş kenê.

Îmalatxaneyê şîranîyan ame teftîşkerdiş

Îmalatxaneyê şîranîyan qezaya Yenîşehîr, Semtê Şehîtlixî de ca gênê. Ekîbê Şaredarîya Dîyarbekirî zî uca de heme cayî yew bi yew teftîş kerdî. Ekîbê Şaredarîya Dîyarbekirî her het ra îmalatxaneyî teftîş kerdî. Ekîbê Şaredarîya Dîyarbekirî  cayê îmalatê şîranîroşan, pakîya malzemeyê şîranîyan kincê  personelan tek tek kontrol kenê û gargehê ke goreyê qaydeyan hereket nêkenê îqaz kenê.

Ekîbê Şaredarî ewilî qezaya Peyas û Yenîşehrî de teftîşanê xo qedênay û badê teftîşanê xo qezaya Sûr û Baxlarî de bidomnê. Ekîbê Şaredarîya Dîyarbekiri kenê ke, pêroyîyê bajarî de heme îmalatxaneyanê şîranîroşan teftîş bikerê.

Sewbînan ekîbê şaredarî hemwelatîyan zî îqaz kerd û bi vîr vist ke hemwelatîyan eşkenê xeta ALO 153 ser o heme gerreyanê xo bikerê.

Serrnameyî de bigêre

« Gulane 2020 »
Diş Sêş Çrş Pan Yen Şem Yşm
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31