Walî Karalogluyî destpêkî xebata pînekerdişê bircan daye

Walîyê Dîyarbekirî Munîr Karalogluyî xebata pakîye ya sûr û bircan ca de teftiş kerd û derheqê xebatan di selahîyetdaran ra agahî girewt.Sewbînan Walî Karalogluyî destpêkî xebata pînekerdişê bircan daye dest pêkerdiş.

Şaredarîya Bajarê Girdî ya Dîyarbekirî birc û sûrê tarîxî de xebata pînekerdişê da destpêkerdiş ke sûran rijnayîşî ra bixelesno.Walîyê Dîyarbekirî Munîr Karalogluyî xebatanê sûr û bircan ca de teftiş kerd ûı derheqê xebatan di selahîyetdaran ra agahî girewt.Sewbînan Walî Karalogluyî derheqê xebatan di aşkerayîye daye rojnamegeran.

Walî Munîr Karalogluyî ”Sey ke şima zî zanenê Sûrê Dîyarbekirî 5 hezar û 200 metre dergiye de yo û pêroyî de pê 100 bircê tarîxî verê Roma û  dewrê Osmanîyan,Selçûkîyan, Selçûkîyanê Pîl û Romayan de zaf rey restore bîya.Sûrê Dîyarbekirî serra 2015 de lîsteya mîrasê kulturî ê cîhane de ca girewto û hînî tede yo.Sûrê Dîyarbekirî her dem giringîya xo pawite û hînî zî çimanê heme cîhanê sûran ser o.Ma nika sûran de di xebate da dest pêkerdiş.Ma ewilî xebata pakîye da dest pêkerdiş û pê qedîyayîşê pakîye bircan ma do dest pê xebata pînekerdişê bircan bikerê.”

Şarê Dîyarbekirî rê mijdanê ma esto

Walî Karaloglu:”Ma ewro wazeme ke şarê Dîyarbekirî rê û tarîxhesan rê mijdanêk bideme.Ma ewro peymanê 6 bircê îmza kerd û no ser o hetê Serekîya Sermayegozarîye û Koordînayonê ya Walîtîya Dîyarbekırî (YÎKOBê), Bêrê Rîha ra heta Bircê Hewt Birayîye pînekerdişê 6 bircê bêra viraştiş.”

Zafêrê waştîşan sûran o

Ez roja ke ameya Dîyarbekir mi waşt wa ke hemwelatîyan waştîşanê xo pê medyayê komelkî ser o biresnê mi û o waxt ra nata zafêrê waştîşan pînekerdişê sûran bî.Hemwelatîyanê ma ganî wayîrê sûran bivejê û ganî leymin mekerê.Projeyê restorasyonê sûran hem hetê Wezarete Kulturî hem zî hetê şaredarîya Girdî dewom keno.Ez heme Dîyarbekirijan ra hîstenîkîye înan ver û xebatkaranê şaredarî ra xebatanê înan ver  spas kena.