Zabitayê Turîzmî pê zaf ziwanî xebatanê xo domneno

Şaredarîya Bajarê Girdî ya Dîyarbekirî pê 6 zabitayê turîzmî yo ke cîya-cîya ziwanan zanê xebatanê xo bê mabên domneno.

Şaredarîya Bajarê Girdî ya Dîyarbekirî semedo ke turîstanê cayî û xerîb rê xizmetêko hînî weş bide pê 6 zabitayê turîzmî yo ke cîya-cîya ziwanan zanê xizmetê rayberîye dano.

Zabitayê tûrîzmî pê ziwananê Tirkî, Almankî, Ruskî, Kurmanci û Kirmançkî 7 roje hewteyî turîstanê ke yenî Camîya Hz.Suleymanî rê tarîxê camîye ser o agahî dano

 Zabitayan derheqê tarîxê Dîyarbekirî de agahî dîya turîstan

Midurê Zabitayî Abdülaziz Arıyî aşkera kerd ke semedo ke turîstan rê xizmetêko hînî weş bide ekîbê turîzmî yo zaf ziwanî ameya awankerdiş.Sewbînan Arı dîyar kerd ke ekîbê zabita qepsema tedbîranê Vîrusê Korona teftîşanê xo bê mabên domneno.Xebatkarê Zabita Mehmet Turaçî zî vîr vîst ke ekîbê zabitayê turîzmî pê 6 ziwanî rayberîyê dano turîstanê xerîb û cayî.

Sewbînan xebatkarê zabita Abdullah Karamanî yo ke rayberîye Îngîlîzkî keno dîyar kerd ke ekîbê zabita hem Îçkale de hem zî qezayê Sûrî de heme turîstan rê derheqê tarîxê ina cayon de agahî yena dayiş.