Şaredarî neweşxaneyan de xebata dezenfekte û pakîye viraşt

Şaredarîya Bajarê Girdî ya Dîyarbekirî verba Vîrusê Korona(Covid-19) xebatanê xo bê mabên domneno.Ekîbê şaredarî semedo ke weşîya şarî bipawo neweşxaneyanê bajarî de xebata pakî û dezenfekte viraşt û qutîyê lepik û maskeyan nayê ro.

Şaredarîya Bajarê Girdî ya Dîyarbekirî semedo ke verê vilabîyayişê Vîrusê Korona bigîrê roja sifte ra nata bê mabên xebitiyeno.Ekîbê Midurîya Pakîye ya Serekîya Dayîreyê Xizmetanê Dorûverî ya Şaredarî şewe saetane sakin de neweşxaneyanê bajarî de xebata pakî û dezenfekte viraşt.Ekîbê şareadrî heme bexçeyê neweşxaneyan ewilî şut badê dezenfekte kerd.

Sewbînan ekÎbê şaredarî Unîversîteya Dîcle,  Neweşxaneyê Perwerde û Cigêrayîşî yê Gazî Yaşargılî,Neweşxaneyê Seleheddînî Eyûbî,Neweşxaneyê Cinî û Fek û Didonan, de xebata dezenfekte viraşt û salone pawitişê hemwelatîyan şut.

 Qutîyê maske û lepikan nayê ro

Şareadrîya Bajarê Girdî ya Dîyarbekirî semedo ke verê vilabîyayişê Vîrusê Korona bigîrê verê neweşxane, dermanxane,Ptt û Merkezê Weşîye Keyeyan de 200 heb qutîyê maske û lepikanê gendel qutîyan nayê ro.

Hemwelatîyan xizmetanê Şaredarîya Bajarê Girdî ya Dîyarbekirî ver keyfweşîyê xo ard ziwanê xo ser û spas kerd.