Tramwaye yena Dîyarbekir

 

Bi saya xeyretê Serekê Şaredarîya Bajarê Girdî yê Dîyarbekirî Cumalî Atîllayî projeya tramwaye amey qebûlkerdiş. Bi no qayde yeno pawitiş ke, trafîkê Dîyarbekirî do bibo rehet.

Çarçewaya planê Resayîşî ya Şaredarîya Bajarê Girdî ya Dîyarbekirî de mîyanê bajarî de 14 kîlometre dergîya ci sîstemo rayin virazîyeno. Bi no qayde yeno pawitiş ke, trafîkê Dîyarbekirî do bibo rehet. Sîstemo rayin bi 18 dingan yeno pê. Sîstemo Rayin qezaya Sûrî (Berê Koyî) ra dest ci keno û Nêweşxaneyê Cigêrayîş û Perwerdeyî yo ke qezaya Peyasî de ca gêno de qedîyeno. Tramwaye de yew rey de 30 vagonî xebitîyenê, 3 vagonî zî semedê rewşa lezîne hadre yenê vindarnayîş. Semedo ke wa zerar nêdê sûranê tarîxîyan dorûverê sîstemî de îzolasyono taybet virazîyeno.

‘Bi 2 etab virazîyeno’

Serekê Şaredarîya Bajarê Girdî yê Dîyarbekirî Cumalî Atîllayî îzah kerd ke bi sîstemo rayin trafîkê Dîyarbekirî  hînî beno rehet û wina va “ Rayîrê tramwaye bi 2 etap yena viraştiş. Dergîya etabê yewinî 14 kilometre ya. Tramwaye berê Koyî ra hetanî Nêweşxaneyê Cigêrayîş û Perwerdeyî şina. Tramwaya bîne zî Berê Koyî ra şina Çarayîrê Dîclekentî û uca ra tadîyena 500 evler. Onca goreyê planê resayîşî ra merkeze bajarî de otoparkî yenê viraştiş.” 

‘Cadeyê Ekîncîlerî trafîkî rê padîyeno’

Atîllayî îzah kerd ke çarçewaya projeya planê resayîşî de Cadeyê Ekîncîlerî yê Yenîşehîrî  trafîkî rê yeno padayîş û wina dewam kerd “Ma bi na projeya newîye kenê ke Cadeyê Ekîncîlerî trafî rê biqefilne. Tena tramwaye eşkena Cadeyê Ekîncîlerî ra vîyaro. Ma Cadeyê Ekîncîlerî Trafîkî rê padanê. Ma rayîranê altarnetîfan peyda kenê." 

 

Serrnameyî de bigêre

« Kanûne 2017 »
Diş Sêş Çrş Pan Yen Şem Yşm
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Hava Durumu

Parçalı Bulutlu

-1°C

Diyarbakır

Parçalı Bulutlu

Nemli 94%

Rüzgarlı 6.44 km/h

  • 12 Aralık 2017

    Parçalı Bulutlu 11°C -3°C

  • 13 Aralık 2017

    Parçalı Bulutlu 13°C 0°C