Semedê melşeyan tedbîrî yenê girewtiş

 

Semedo ke mewsîmê zimistanî de hewa beno serdin melşeyî û mêsî xo ancenê cayo germin û uca de xo heta hamnan pawenê. Şaredarîya Bajarê Girdî ya Dîyarbekirî zî naye ser o semedo ke mewsîmê zimistanî de melşe û mêsan dir mucaele bikero, cêrzemînê bînayan, axorê heywanan, rogaran û çalanê fossepan de xebata dermankerdişî kena.

Serekîya Dayîreyê Karanê Weşî ya Şaredarîya Bajarê Girdî ya Dîyarbekirî, vera mêsî û melşeyî yê ke mewsimê zimistanî de xo cêrzemînê bînayan, axoran, rogaran û kanalîzasyonan de muhefeze kenê xebata xo ya dermankerdişî domnena. Şaredarî bi na xebate kena ke, zimistanî ra tedbîranê xo bigîro û wa mêsî û melşeyî hetanî wisar yan zî hamam nêmanê. 

Serekê Dayîreyê Karanê Weşî Faysal Hatîpogluyî qezaya Peyasî de xebatê dermankerdişî sehna û derheqê xebate de zanayîş da xebatkaran.

Qezayan de zî xebata dermankerdişî qedîya

Serekê Dayîreyê Karanê Weşî Faysal Hatîpogluyî derheqê xebatan de zanayîş da û wina va “ Semedo ke wa mêsî û melşeyî mewsîmê hamnanî de peyda nêbê ma nika ra tedbîranê xo gênê. Xebata dermankerdişî pê 16 ekîban bena. Tena mîyanê bajarî de ney, ma qezayan de zî xebate kenê. Ma teberê bajarî de giranîya xo daya axor û cayê ke tede heywanî yenê weykerdiş ser. Ma ê cayan de her daîm dermankerdiş kenê û bi no qayde qezayan de xebata ma qerdîyaya. Ma mîyanê bajarî de zî cêrzemînê bînayan, qepaxê logaran û kanalizasyonan derman kenê.” 

Semedê rîşa serre zî tedbîrî yenê girewtiş

Hatîpogluyî dewamê qiseykerdişê xo de îzah kerd ke, emser kenê ke heta aşma sibate xebata dermankerdişî biqedînê û dima ra semedê rîşa serre xebatêk bikerê. Hatîpogluyî va “ Nêweşîya rîşa serre zî mêsa tatarcikî ra peyda bena. Ma semedê nêweşîya rîşa serre ekîbêka cîya awan kenê. Ma do pê a ekîbe 12 aşme pêro qezayan de xebate bike.”

 

 

Serrnameyî de bigêre

« Çele 2017 »
Diş Sêş Çrş Pan Yen Şem Yşm
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31