Semedê newe ra awankerdişê Sûrî xebate dest pêkerde

 

Serekê Şaredarîya Bajarê Girdî yê Dîyarbekirî Cumalî Atîlla û Wezîrê Bajarawanî û Dorûverî Mehmet Ozhasekî pîya beşdarê merasîmê hîmêştişê projeyanê neweyan ê ke semedê Mîyanê Sûrî ameyî hadrekerdiş bîyî.

Semedê Mîyanê Sûrîyo ke demê bîyayîşanê peyênan de xesarêko pîl vîna projeyî ameyî hadrekerdiş û projeyî yew bi yew yenê ca. Semedê hîmeştişê projeya Raştkerdişê TOKÎ Peyzaj, Rekreasyonî, Projeya Banê Tarîxî yê Dîyarbekirî, newala Dîcle û Rekreasyonî (Etabo yewin) semtê Îçkale yê Sûrî de yew merasîm ame tertîpkerdiş. Serekê Şaredarîya Bajarê Girdî yê Dîyarbekirî Cumalî Atîlla, Wezîrê Bajarawanî û Dorûverî Mehmet Ozhasekî, Walî Huseyîn Aksoy, Parlementerê AK Partî yê Dîyarbekirî Ebubekir Bal û Galip Ensarioglu, Serekê Yewitîya Odeyan û Borsayan (TOBB) Rifat Hîsarciklioglu, Serekê TOKÎyan Ergun Turan û Serekê Turk Îşî Ergun Atalay beşdarê merasîmî bîyî.

‘Ma do pîya Mîyanê Sûrî newe ra awan bike’

Serekê Şaredarîya Bajarê Girdî yê Dîyarbekirî Cumalî Atîllayî merasîm de yew qiseykerdiş kerd û wina va “Ewro semedê Dîyarbekirî rojêka weş a. Ma do pê nê projeyan qezaya Sûrî newe ra viraze. Ma pîya demêko kilm de Mîyanê Sûrî restore bike. Semedo ke Wezîrê ma ewro mîyanê ma de yo ma û şarê ma zaf keyfweş ê. Seke ma zanê Mîyanê Sûrî û Baxçeyê Hewselî Lîsteya Mîrasanê Dinya yê UNESCO de ca gênê. Wa nê projeyî seba bajarê ma xeyrîn bê. Semedo ke Serrekkomarê ma, Serekwezîrê û Wezîrê ma qedr û qîmet danê Dîyarbekir ez înan rê sipas kena. Nê ardimî ke hetê dewlete ra bajarê Pêxemberan û Sehabeyan Dîyarbekirê ma rê benê ma zaf keyfeş ê û ez onca vana wa bajarê ma rê xeyrîn bê. Wa biratîya ma û yewîya timî bo.”

Wexto ke serek Atîllayî qisey kerdêne hemwelatî sloganî eştêne û vatêne “Dîyarbakir bi to sereberz o.” 

‘Wa Mîyanê Sûrî de xirabeyî nêmanê’

Wezîrê Bajarawanî û Dorûverî Mehmet Ozhasekî zî merasîm de yew qiseykerdiş kerd û wina va “ Semedo ke ma nika dorûverê Camîya Hz. Silêman de yê ez zaf keyfeş a. Ma wazenê wa hinî Mîyanê Sûrî de banê xirabe û tenekeyinî nêmanê. Semedo ke wa banê Dîyarbekirî yê heqîqî bêrê viraştiş ma xebate daya dest pêkerdiş.  Wa na proje şarê ma rê xeyrîn bo.”

Serekwezîr zî qisey kerd

Serekwezîr Bînalî Yildirim zî pê vîdeokonferans xitabê hemwelatîyan kerd.

Mîyanê Sûrî teftîş kerdê 

Atîlla, Ozhasekî û kesê ke înan dir bî Camîya Qerqeşunî ya ke bîyayîşanê peyênan de zerar vînabî û nika newe ra yena viraştiş zîyaret kerd. Heyetî dima ra zî Cadeyê Gazî zîyaret kerd. Atîlla û heyet uca ra şîyî Uçkuyu TOKÎ û uca ra zî Lîseya Îmam Hatîbî ya Ferdî Yîgît ya ke qezaya Baglarî  de ca gêna zîyaret kerd. Wedekarê Lîse baxçeyê mektebî de pê gulan şîyî Serek Atîllayî ver. Atîlla û Ozhasekî sinifê mektebî de geyrayîş kerd. Wendekaran eleqeyêko pîl nîşanê Atîllayî da. Serek Atîllayî zî wendekaran dir fotografa vîrardişî ant.

‘Serekê Şaredarîyan dir kombîyayîş virazîya’

Wezîr  Ozhasekî dima ra qezaya Yenîşehîr, yew otêl de serekanê şaredarîyan dir yew kombîyayîş viraşt. Kombîyayîş de Serekê Şaredarîya Bajarê Girdî yê Dîyarbekirî Cumalî Atîlla  Ozhasekî rê behsê projeyê ke do meseleyanê bajarî safî bikerê kerd. Wezîr  Ozhasekî zî va, ma do desteg bide heme projeyan.

 

Serrnameyî de bigêre

« Nîsane 2017 »
Diş Sêş Çrş Pan Yen Şem Yşm
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30

Hava Durumu

Açık

11°C

Diyarbakır

Açık

Nemli 53%

Rüzgarlı 17.70 km/h

  • 24 Nisan 2017

    Güneşli 18°C 7°C

  • 25 Nisan 2017

    Güneşli 18°C 7°C