Bi talîmatê Şaredar Atîllayî mêmanxane kewt falîyet

 

Mêmanxaneyo ke 400 kesin o û semedê merdimanê nêweşan hetê Şaredarîya Bajarê Girdî ya Dîyarbekirî ra ameyo hadrekerdiş abi. Merdimê nêweşan êyê ke pê belgeyê refaqatçîyan mêmanxane de manenê vanê “Semedo ke wina yew îmkan daya ma, ma Şaredarîya Bajarê Girdî rê sipas kenê”

Bi talîmatê Serekê Şaredarîya Bajarê Girdî Cumalî Atîllayî semedê merdimanê nêweşan mêmanxane ame awankerdiş. Seke yeno zanayîş dorûverê Dîyarbekirî ra gelêk kesî nêweşanê xo ardêne Dîyarbekir la cayê mendişî çin bi. Bi no qayde semedê merdimanê nêweşan  problemê cayê mendişî nêmend.

Mêmanxane bê pere yo 

Mêmanxaneyo ke 400 kesin o û semedê merdimanê nêweşan hetê Şaredarîya Bajarê Girdî ya Dîyarbekirî ra ameyo hadrekerdiş dest bi dayîşê xizmet kerd. Mêmanxane pê îmkanê şaredarî semedê yurdê kênayan amebi viraştiş. Cayê mêmanxaneyî peyê Şaredarîya Girdî, Kuçeyê Yidizî de yo. Merdimê nêweşan êyê ke pê belgeyê refaqatçîyan yenê mêmanxane, uca de beleş manenê.  

Tede 20 personelî şuxulîyenê 

Mêmanxane de 20 personelê Şaredarî Bajarê Girdî şuxulîyenê. Mêmanxane de cayê kincşutişî,  odeyê rayberî,  revîr û aşxane esto.

‘Ma şaredarî rê sipas kenê’

Merdimê nêweşan êyê ke mêmanxane de manenê nê xizmetê şaredarî ra zaf razî yê û wina vanê “Çend serrîyo ke ma nêweşanê xo anê Dîyarbekir. Ma ge-ge qasê yew hewte tîya de manenê. La semedo ke cayê mendişê ma çin bi, ma zaf benê mexdur.  Ma zimistan korîdorê nêweşxaneyan, hamam zî baxçeyê nêweşxaneyan de mendênê. Ma ke eşnawit wina yew ca dîyayo ma, zaf keyfê ma pê ame. Eke ma nika ra tepîya zî bêrê Dîayrbekir no mêmanxane de manenê. Hînî cayê ma esto. Semedo ke Serekê Şaredarîya Girdî wina yew ca daya ma, ma Şaredar Cumalî Atîllayî rê sipas kenê”.

 

Serrnameyî de bigêre

« Teşrîne 2017 »
Diş Sêş Çrş Pan Yen Şem Yşm
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Hava Durumu

Güneşli

9°C

Diyarbakır

Güneşli

Nemli 46%

Rüzgarlı 11.27 km/h

  • 18 Ekim 2017

    Güneşli 24°C 8°C

  • 19 Ekim 2017

    Güneşli 25°C 8°C