Şaredar Atîllayî qezaya Dîcle zîyaret kerd

 

Serekê Şaredarîya Bajarê Girdî yê Dîyarbekirî Cumalî Atîllayî qezaya Dîyarbekirî Dîcle zîyaret kerd. Şaredar Atîllayo ke esnaf û hemwelatîyan dir ame têhet raştê eleqeyêko germ ame.

Serekê Şaredarîya Bajarê Girdî yê Dîyarbekirî Cumalî Atîlla hem mîyanê bajarî hem zî qezayan de şarê Dîyarbekirî û sazgehan zîyaret keno. Şaredar Cumalî Atîllayî Qaymeqam Alparslan Kiliço ke newe bîyo Şaredarê Dîcle dir pîya taxa 27 Mayisî ya Dîcle de esnaf û hemwelatî zîyaret kerdî.

Atîllayî rê eleqeyo germ

Atîllayo ke esnaf û hemwelatîyan zîyaret kerd raştê eleqeyêko germ ame. Atîllayî esnaf û hemwelatîyan dir yew bi yew qisey kerd û goş na derd û kûlê înan ser. Atîllayî waşt wa esnaf û hemwelatî şaredarî rê waştişanê xo vajê.

‘Ma do heme meseleyan safî bike’

Atîllayî îzah kerd ke wexto ke ameyê wezîfe ser şarê Dîyarbekirî şaredarîyan rê xizmet dîyo û va “Ma do bi xebata xo heme meseleyanê şarê xo safî bike.” Esnaf û hemwelatî zî zîyaretê Atîllayî ver keyfweşîya xo îzah kerdê.

Bînaya Qaymeqamî zîyaret kerd 

Atîllayî dima ra zî şi bînaya Qaymeqamtî û Alparslan Kiliço ke hem Şaredar o û hem zî Qaymeqam o dir ame têhet. Têhetameyîş de falîyetê şaredarî û pîya xebate ser o ame qiseykerdiş.

 

 

Serrnameyî de bigêre

« Nîsane 2017 »
Diş Sêş Çrş Pan Yen Şem Yşm
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30

Hava Durumu

Parçalı Bulutlu

10°C

Diyarbakır

Parçalı Bulutlu

Nemli 79%

Rüzgarlı 11.27 km/h

  • 29 Nisan 2017

    Parçalı Bulutlu 24°C 9°C

  • 30 Nisan 2017

    Güneşli 25°C 8°C