Ekîbê îtfaîya tecrubeyê xo reseno xebatkarê bînan

Şirikîya Şaredarîya Bajarê Girdî ya Dîyarbekirî û Yêwîya Şaredarîyan ya Mintiqa Başûrê Rojhelatî perwerdeyê binge ya îtfaîya yê dema diyîn virazîya.

Çalakî Şaxa Peyasî ya Îtfaîya de pê tewrê 21 îtfaîyekaranê Merdîn,Colemêrg, Muş û Êlihij virazîya.

Perwerdeyî de derheqê zanayîşê vêşayîş û şewatî de cayê hedîseyî de tehlukeyî, cayê şewatî de organîzasyon, zanayîşê malzemeyî, madeyê tehlukeyinî, cigêrayîş û xelisnayîş, qezayanê trafîkî rê mudaxele, binê xirbeyan de cigêrayîş û xelisnayîş, talîmatnameyê îtfaîya, laserî rê mudaxale û şewatanê elektîrîkî rê mudaxale ser o agahî dîya beşdaran.

Serekê Dayîreyê Îtfaîya Veysel Yıgıt da zanayene ke standardê Tirkîya de perwerde dîyeno îtfaîyekaran û semedo ke ê wezîyeto lezgîn de hîna bi leze û zanayîşî xebate bikero desteg dîyeno înan. Yıgıtî qalîkerdişê xo wina domna : “Semedo ke îtfaîyekaran wezîyeto lezgîn de hîna leze û bi zanayîşî mudaxaleyê serebûtan bikerê perwerdeyê şaredarî bê mîyan dewom keno. Ma semedê mintiqayê serebûtan de gan û malê şarî bipawê perwerdeyê xo bidomno. “

Midurê Îtfaîya yê Şaredarîya Mêrdînî Hamdı Çakmakî aşkera kerd ke 8 personelî reyde tewrê perwerdeyan bîyo û perwerdeyan pê eleqeyêko hewl dewom keno.

Îtfaîyakar Yusuf Şahino ke qezaya Mîdyatî ya Mêrdînî de 14 serrî yo xebate keno da zanayene ke tîya de hem perwerdeyê teorik hem zî pratik girewto û bade wina vat: “Ma kişta perwerdeyê teorik, şewatanê LPG û elektrîkî musayî.”

Îtfaîyekar Nezır Guneşo ke seba perwerde qezaya Çukurca ya Colemêrgî ra ameyo kîfş kerd ke tîya de zaf çi musayo û qalîekrdişê xo wina domna :“Ez bawera ke nê perwerdeyan seba ma zaf faydayin ê. Ma tîya de serê her çîyî mudaxaleyê şewatanê cîya-cîyayan musayî. “