Hemşaredar Mizrakli Zarokîstanan zîyaret kerde

 Hemşaredarê Şaredarîya Bajarê Girdî yê Amedî Dr.Adnan Selçuk Mizrakli,Zarokîstanî ke binê banê Serekîya Dayîreyê Xizmetanê Sosyalî ya Şaredarîya Girdî de xizmet danî zîyaret kerd û gedeyanê ke perwerde vînenê rê defterê boyaxî û qeleme boyaxî dîyarî kerd.

Hemşaredarê Şaredarîya Bajarê Girdî yê Amedî Dr.Adnan Selçuk Mizrakli,Zarokîstanî ke qezaya Baxlarî taxa Baxcilarî de û qezaya Yenîşehrî taxa Gurdoganî de  gedeyanê mabenê 3-5 serrî rê xizmet danî zîyaret kerd.

Hemşaredar Mizrakli ewilî Zarokîstanî qezaya Baxlarî taxa Baxcilarî zîyaret kerd û uca de gedeyan ra zaf eleqeder bî.Mizrakli derheqê perwerdeyê gedeyan û çalakîyan de perwerdekaran dir pêvînayiş kerd.Badê Hemşaredar Mizrakli Zarokîstanî qezaya Yenîşehrî Taxa Baxcilarî zîyaret kerd.Mizrakli dersxaneyan yew bi yew gêra û tewrê çalakîyê gedeyan bî.Sewbînan Hemşaredar Mizrakli gedeyan rê defterê boyaxkerdişî û qeleme boyaxkerdişî  dîyarî kerd.Peynîyê de Mizrakli zêdînayişê Zarokîstanan ser o berpirsîyarî beşan dir pêvînayiş kerd.

 

Serrnameyî de bigêre

« Temmuze 2019 »
Diş Sêş Çrş Pan Yen Şem Yşm
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31