Fuaro Gurme û Lezetanê Herêmî berê xo akerd

Walî û Serekwekîlê Şaredarîya Bajarê Girdî ya Dîyarbekirî Alî Ihsan Su tewrê Fuaro Gurme û Lezetanê Herêmî ya çorine bîyî.

Hetê Odeya Bazirganî û Sanayî ya Dîyarbekirî(DTSO) û ALZ Group, Fuaro Gurme û Lezetanê Herêmî serrast kerd û fuar pê deyranê Koroyê Medenîyetî berê xo akerd mêmanan.

Walî Su û kesê ke tedir bî, akerdişê fuarî ra dima standanê ke cîya-cîya lezetê herêmî ya ke tescîlê nîşanê cografyaye girewto yena peşkeşkerdiş, ziyaret kerd.

Fuar de werdpewjê namdar,akademisyen, gurme û bloggeran tewrê atolyeyanê lezetanê herêmî bibê û çarçeweya fuarî de musabaqa û xoşeberî bêrê viratiş.

Fuar û çalakîyan heta 20ê Citmenge roja Şeme akerde yo.

“Bese ke cinîyanê ma tewrê îstîhsalê bibê çi destê ma ra yenê ma texsîr nêkenê”

Programê yewbîyayişê xêzê kooperatîfan hetê Serekîya Dayîreyê Îdareyê  Averberdişê Mintiqa GAPî yena fînansekerdiş û Şaredarîya Yenîşehrî 15 kooperatîfê cinîyan qepsema projeya “Xêzê Îstîhsalî Yew Benê” ard têhet.Semedê nê kooperatîfan perwerdeyî bêrê viraştiş û kombîyayişê daşinasnayîşê programê perwerdeyî virazîya.

 Walî Su bal ont giringîya kooperatîfê cinîyan û da zanayene ke semedê înan çi destê înan ra yenê texsîr nêkenê.

Badê Walî Su qalîkerdişê xo wina domna:”Bese ke cinîyanê ma tewrê îstîhsalê bibê çi destê ma ra yenê ma texsîr nêkenê.Sayeyê nê îstîhsalê de cinîyanê ma hem desteg danê warîdatê keyeyanê xo hem zî xêzê bazirganî û îstîhsalî ya welatê ma , aye ra zî awanbîyayişê kooperatîfan û semedê averberdişê înan ganî ma zaf bixebitê.Sayeyê ina projeyî zî ma do desteg bidê endamê kooperatîfê cinîyan.”