Şaredarî problemê awa şimitişî ya dewanê Baxça û Kanîsipî safî kerd

Şaredarîya Bajarê Girdî ya Dîyarbekirî, problemê awa şimitişî ya dewanê Baxça û Kanîsipî yê Farqînî safî kerd.

Midurîya Pêroyî ya Awe û Îdareyê Kanalîzasyonî ya Şaredarîya Bajarê Girdî ya Dîyarbekirî(DÎSKÎ) semedo ke wa hemwelatê taxanê bêja de zî şewe û rojê bê mîyan biresê awa şimitişî xebatanê xo domneno.

Midurîya Pêroyî ya Dîskî semedo ke wa hemwelatîyan bê mîyan biresê awa şimitişî, hem merkeze bajarî de hem zî taxanê bêja de proje û xebatanê xo domneno.

Ekîbê Dîskî taxa Baxça de 240 metre qurî de bîrê sondajî akerd û problemê awa şimitişî safî kerd.

Taxa Kanîsipî de zî hemwelatîyan zuwabîyayişê bîre ver zehmêtî ancêne û ekîbê Dîskî semedê safîkerdişê probleme awe ya na dewe zî kişta çemê ÊlîhÎ de bîrê ke newÎ akerd. Qepsema xebate de 500 metre xeta terfi ame ravistiş û awe kirişîya dewe.

Midurê Pêroyî ya DÎSKÎ Firat Tutşî, xebatan ca de sehna û derheqê xebatan de agahî girewt.

Tutşî da zanayene ke semedo ke wa hemwelatÎyan şewe û roje biresê awa şimitişî Dîskî her ca de xebatanê xo domneno û Tutşî qalîkerdişê xo wina domna:

“Semedo ke wa hemwelatê ma yê erjeyayî hetê awa şimitişî zehmetî nêancê, mas ey DÎSKÎ bi xîret û berpirsîyarîyêko pîl xebatanê xo anê ca. Ma her nuqteyê bajarî de awa şimitişî ra heta binawanî semedê xizmete en baş xebetîyenî.”