Serdema nû ya atolyeya zimanên qedîm dest pê kir

 

 

Walî Karaloglu:

“Kurdî, Zazakî, Erebî, Farisî, Suryanî, Tirkîya Osmanî hemû nirxên me yên hevpar in. Em bi biryar in ku em vana bijîn û wan bidin jiyandinê.”

Şaredariya Bajarê Mezin, serdema nû ya Atolyeya Zimanên Qedîm ku bi 6 zimanan tê birêvebirin, da destpêkirin.

Serokatiya Daîreya Karûbarên Civakî û Çandî, bi mebesta pêşxistin û geşkirina zimanan dest bi Atolyeya Zimanên Qedîm ku tê de perwerdeya bi zimanê Kurdî, Zazakî, Farisî, Erebî, Suryanî û Osmanî tê dayîn, kir. 

Walî Munîr Karaloglu, beşdarî kursa zimanê Kurdî ya li Navenda Çand û Kongreyan a Sezaî Karakoç bû.

Karaloglu di bernameyê de axivî û diyar kir ku bajarê Diyarbekirê dergûşa mirovahiyê ye, 12 hezar sal e vî bajarî malovanî ji çandên cuda, zimanên cuda re kiriye û got, ev bajar navendeke giring a şaristaniyê ye.  

Karaloglu bi bîr xist ku Atolyeya Zimanên Qedîm par dest pê kir û 640 kesî sertîfîka heq kirin û got ku vê serdemê jî di 6 beşên cuda cuda de di 18 sinifan de 500 xwendekar beşdarî van kursan dibin.

“Tev nirxên me yên hevpar in”

Karaloglu bal kişand ku ew ê serdema pêş van kursan bi awayekî xurttir bidomînin û weha axivî:

 “Hemû zimanên li Diyarbekirê û herêmê pê tê axaftin, her weha zimanê Kurdî, Zazakî, Erebî, Farisî, Suryanî û Tirkîya Osmanî ku em di vê atolyeyê de pê perwerde dibin, tev nirxên me yên hevpar in. Em bi biryar in ku em vana bijîn û bidin jiyandin. Lewra Şaredariya Bajarê Mezin bi vê mebestê dê bernameyên bi vî awayî bidomîne.”  

Karaloglu ji bo xwendekar û mamosteyên beşdarî atolyeyê bûne daxwaza serkeftinê kir û piştî sertîfîkayên beşdarên serdema borî li wan belav kirin, bername bi dawî bû.