Şaredariya Bajarê Mezin a Diyarbekirê, li Taxa Tewerza navçeya Farqînê ji bo çêkirina coya avdaniyê û bêrma ava vexwarinê ya heywanan qenaleke 7 hezar metre dirêj, dest bi xebatê kir.

Midûriyeta Xizmetên Gundî ji bo ku cotkar ji ava kaniyê ya ku li Taxa Tewerzê ji zinar derdikeve û diherike projeyek amade kir.

Di çarçoveya projeyê de dê bi tevahî 7 hezar û 288 metre qenal, 6 hezar û 945 metre ji cureya trapezoîdî û 343 metre jî bi tîpa vertîkal bên çêkirin. Di xebata ku dê 160 soketên zeviyê, 13 dergehên rê û 9 deriyên lehiyê bên çêkirin, 1350 metre lûle bên danîn. Dema projeya qenala avdanê bi dawî bibe dê 1150 dekar erd avî bibe.

Di çarçoveya projeyê de dê peyzaja çavkaniya avê bê çêkirin û ji şêniyên taxê re bê dayîn.

Çîftçî çavdêriyên xwe kirin

Sekreterê Giştî yê Şaredariya Bajarê Mezin Abdullah Çîftçî, serdana taxa Tewerzê kir û xebatên hatin kirin lêkolîn kir. Çîftçîyê ku bi şêniyên taxê re hate cem hev li daxwazên welatiyan guhdarî kirin.

Di bernameyê de ligel Çîftçî, Qeymeqamê Farqînê Hasan Uguz û Serokê Daîreya Xizmetên Gundan Nîhat Nûrbekî jî hebûn.