Heywan şirîkê cuya ma yo

Hemşaredarê Şaredarîya Bajarê Gird a Amedî Adnan Selçuk Mizrakli,Merkezê Rehabîlîtekerdîş û Banê Ciewnîyayîşê Heywanan a kê serrên de tedawî û aşleyê 5 henzar heywanî quçeyan kenê û 300 kutik û 70 pisingî têdeyî zîyaret kerd.Mizrakli aşkera kerd kê heywan şirîkê cuya ma yo û ganî semedê heywananê quçeyan planêko newe bêro hadrekerdiş.

Hemşaredarê Şaredarîya Bajarê Gird a Amedî Adnan Selçuk Mizrakli,Merkezê Rehabîlîtekerdîş û Banê Ciewnîyayîşê Heywanan a ser rayîra Xarpetî yo û bi Serekîya Dayîreyê Karanê Weşîyê ra giredayîyê sehna.Merkezê Rehabîlîtekerdîş û Banê Ciewnîyayîşê Heywanan pê 21 xebatkarî xebitiyenê û serrên de tedawî û aşleyê 5 henzar heywanî quçeyan kenê û 300 kutik û 70 pisingî têdeyî.Mizrakli mintiqayê merkezî ya asteng,nêweş,heywananê bê dayik û heywananê bi dayikan gêra û aşkera kerd kê personelan mabenê xeyle xidarîyan de çîyênê weş virazenê û kedkaran ra xebatanê înan ra ver spas kerd.Mizrakli îzeh kerd kê ganî Merkezê Rehabîlîtekerdîş û Banê Ciewnîyayîşê Heywanan newe ra sererast bibo.

"Semedê heywananê quçeyan planêko newe bêro viraştene"

Hemşaredar Mizrakli mintiqayên tedawî û rontgenî ya Merkezê Rehabîlîtekerdîş û Banê Ciewnîyayîşê Heywanan gêra û derheqê dermananê kê semedê tedawîye yeno şuxulnayîş zanayîş girewt.Mizrakli aşkera kerd kê Merkezê Rehabîlîtekerdîş û Banê Ciewnîyayîşê Heywanan merkezê bajarî û 17 qezayî de xizmet danê û ganî nê merkezan qezayan de zî bêro awan kerdene.Mizrakli îzeh kerd kê ganî semedê heywanan planêko newe bêro viraştene.

Mizrakli pêynîyê de endamên meclîsê ra pîya Banê Pisingan zî gêra û derheqê wayîrî kerdene heywanan di zî zanayîş girewt.