Şaredarîya Bajarê Girdî ya Dîyarbekirî semedê “Çalakîyê 2021 Kayitkerdişê Asmenî ya Mîyanneteweyî ” ke mabênê 2-4ê Îlone de bêro viraştiş hadreyîne xo kerd temom.

Rêxistinê Perwerde, İlim û Kulturî ya Miletê Yewbîyayeyî (BM) do Kelaya Zerzewanî ke mabênê Lîsteya Mîrasanê Dinya yê Nuweqet de ca gêno û 3 hezar serrî yo bide şinasnayiş emser 2-4ê Îlone de Çalakîyê Kayitkerdişî ya MÎyanneteweyî serrast bikero. Şaredarîya Girdî semedo ke wa çalaki de problemêk mebo û her çi goreyê programî şêro cayê çalaki de xebata binawanî û rayîrî kerd temom.

Banê Kayitkerdişê Neteweyî ya Tirkîya (TUG) 22 serreyê pêyeno ke Antalya Saklikent de çalakîyê kayitkerdişê asmenî û çalakîyê hewayo akerde ya tewr gird virazeno û emser netîceyê bire ke çalaki do Kelaya Zerzewanî de bêro viraştiş dest pê xebatan kerdo û semedê mêmananê çalakîye 8 hezar û 600 metrekare ca de çadiran ronayî.

Çalakî de nêzdîyê 1500 asmennasî ca bigîrê û aye ra ekîbê şaredarî cayê çadir û standan de xebata hîrekerdişî viraşt û bade 4 hezar to malzeme ravist.

Ekîbê şaredarî bankê roniştişî û qutîyê çopî ronayî

Serekîya Dayîreyê Park Baxçe û Cayanê Zergûnînan ya Şaredarîya Girdî çarçiwa xebata serrastkerdişê dorûverî ya Kelaya Zerzewanî bankê roniştişî û qutîyê çopî rona.

Badê ekîbê şareadrî vaş û çopan ard pêser û hadreyîne xo kerd temom.