Konsolosê Adana ya ABDê Alejandro Baez, Hemşaredarê Şaredarîya Bajarê Gird a Amedî Adnan Selçuk Mizrakliyî zîyaret kerd.

Konsolosê Adana ya ABDê Alejandro Baez,konsolosê dîyîn Kara Babrowskî, Hemşaredarê Şaredarîya Bajarê Gird a Amedî Adnan Selçuk Mizrakliyî zîyaret kerdê.Pêvînayiş de konsolos Baez serkewtîşê weçînîtiş ra ver Mizrakliyî pîroz kerd.Hemşaredar Mizrakli persê Baezê ya “Şima verê cû doktor bî şima çira xo eşt polîtîkayî?” sero wîna va:”Şima waxto kê doxtorîyê virazenê,teyna neweşîyê merdiman sero nêşuxulnenê,şima persivê komkî zî musenê û şima sey benê veng û qiseyê şarî.”

Mizrakli aşkera kerd kê,”Henî yeno zanayîş kê weçînîtiş prosesêko edîl,awandeng û demokratîk de nê ame viraştene.Ma zanenê kê HDP ina mintiqayî de serkewtîşêko gird qezenç kerd. Labelê dema weçinitiş de Amed de bi marîfetê YSK yî Baxlarî de nêheqîyêko girs ame werte.Xeletî û nêheqîyan zafo la ma endî verê xo da xebatanê xo.Ma teyna wazemê kê şarê xo rê xizmet bikerîme.”

Mizrakli bal ont kê Amed qed nêbî bajarêko girotî Amed her dem heme cîhan û bajaran rê akerde û merkezê eleqeyî bî.Na zîyaret seba ma zaf giringo çi kî ina zîyaret,zîyaretê dîplomatîkî ya dîyîn a.

Pêynîya zîyaret de Baez tabloya kê fîgûranê tarîxî ya helîyê serçut û kitabêko ser “Teksas” nusîyayo dîyarê Mizrakliyî kerd.