Şaredarîya Bajarê Girdî ya Dîyarbekirî wa semedo ke Medreseya Xatûnîyeya ke qezaya Hênî de ca gêno biçarno sey Banê Zanayişî dest pê xebatan kerdbî û ekîbê şaredarî xebatan se ra 70 qedînayî.

Şaredarîya bajarê Girdî ya Dîyarbekirî wa semedo ke wendekarê tebere bajarî zî çime şaredarî ra îstîfade bikerê û biresê înan zî xebatanê xo domneno.

Serekîya Dayîreyê Îmar û Bajarvanî ya Şareadrîya Girdî demek ver semedo ke Medreseya Xatûniye biçarno Banê Zanayişî dest pê xebatan kerdbî. Ekîbê şaredarî ewilî medrese de xebata raştkerdişî û temîrî virazenê û bade ê do cayanê akerde û girotî de tesîsatê elektrîkî bikero newe.

Gedeyî do dersxaneyê biaqil de dersan bivînê

Serekîya Dayîreyê Xizmetanê Ciwan û Sporî ya Şareadrîya Bajarê Girdî ya Dîyarbekirî xebata restorekerdişê medreseyi ra dima 12 dersxaneyê biaqil bivirazo.Pêroyî de 1500 gedeyî Banê Zanayişî ya Hênî ra îstîfade bikerê.

Wendekaran tîya de hetêk ra dersanê binge ( Tirkî, Matematîk, Fen û Zanayişê Sosyal û Îngîlîzkî) bivînê hetêk ra zî aktîvîteyê sosyal û kulturî ra îstîfade bikerê.