Şaredariya Bajarê Mezin, dê li navçeya Henê otogarekê ava bike.

Şaredariya Bajarê Mezin, li navçeya Henê ji bo xizmeteke baştir ya hatûçûnê ji şêniyan re pêk bînin û barê trafîkê siviktir bikin dê otogarekê ava bike.

Otogara navçeyan dê ji 9 peronên guhastinê û ji du beşên cuda pêk were bi giştî dê cihê parkkirina 37 wesayitan lê hebe.

Di otogarê de 383 metreçargoşe dê cihê girtî hebe, 5 cihên firotina bilêtan, salona sekinînê, wc ji bo jin-mêr-astengdaran, jûra venêrtina zarokan, jûra teknîkî, jûra amîrî, mutbex, wc-serşok, depoya avê, jûra razanê û jûra bêhnvedana karmendan hebin.

Otogar dê li ser Cadeya Çarsûyê û rêya Pîran Henê bête avakirin û ji bo ewlehiya ogotarê dê dîwarekî 1 metir bête çêkirin û ser dîwaran bi perjanan bête asêkirin. 2 dergehên parkê dê hebin û li ser zemîna wê ya 432 metreçargoşe plakên bazalt bêne dabînkirin.

Dê cihê garaja îtfaiyê jî hebe

Şaredariya Bajarê Merzin, li aliyê baxçe yê otogara navçeyan a Henê qadeke 121 metreçargoşe dê ji bo wesayita agirkujiyê bête terxankirin.