Şaredarîya Bajarê Girdî ya Dîyarbekirî ber bi ber gêyreno û goşdarîya problem û waştîşanê cinîyan keno.

Şaredarîya Girdî talîmatê Walî Munır Karalogluyî ser o semedo ke hemwelatîyan xizmetanê şaredarî ra hîna weş hayîdar bibê xebatanê xo domneno.

Serekîya Dayîreyê Xizmetanê Cinî û Keyeyan ya Şaredarîya Girdî, çarçiqa xebatan di 370 keyeyî ziyaret kerd û derheqê xizmetanê şaredarî de gaahî dîya cinî û kênayan.

Ekîbê şaredarî hetêk ra gedeyê ke şinê mektebî rê derheqê xebatanê Banê Zanayişî û Akademî Lîse de agahî danê û hetêk ra zî goşdarîya problem û waştîşanê cinîyan kenî û reseno selahîyetdaran.

Ma do destê şaredarî dergê heme cinîyan bikerê

Ekîbê şaredarî zîyaretê keye û ciNîyan rê qezaya Pasûrî ra dest pêkerd. Ekîbê şaredarî cinîyan reyde ameyê têhet û goşdarîya waştîşanê cinîyan kerd û semedê safîkerdişê probleman zî rayberîye kerdê înan.

Koordînatorê Pêroyî ya Serekîya Dayîreyê Xizmetanê Keye û Cinîyan ya Şaredarî Netıce Arslane da zanayene ke talîmatê Walîyê dîyarbekirî Munır karalogluyî ser o zîyaretê keyeyan bê mabên domnenê û îzeh kerd ke semedo ke probleme cinîyan bin ra bêro safîkerdiş dezgeyanê binan reyde pê şirikî xebetiyenî.

Arslane aşkera kerd ke cinîyan zîyaretê şaredarî ver zaf keyfweş ê û bade wina vat : “Ma do destê şareadrî dergê heme cinîyan bikerê û heme keyeyan ziyaret bikerê.”

Zîyaretê keyeyan ya Serekîya Dayîreyê Xizmetanê Cinî û Keyeyan ya Şaredarîya Girdî hem merkezê bajarî de hem zî 17 qeza de dewom bikero.