Bingeyê Merkezê Rehabîlîtasyonî û Keyeyê Miqatebîyayişê Heywanan 10ê Nîsane de hetê Walîyê Dîyarbekirî Munîr Karalogluyî ame eştiş.

Şaredarî goreyê îxtîyacîyê heywanan Merkezê Rehabîlîtasyonî û Keyeyê Miqatebîyayişê Heywanan de xebata newekerdişî dabî dest pêkerdiş û xebatan hema hema qedîya.

Ekîbê şaredarî klubeyê heywanan û binyatê îdarî Merkezê Rehabîlîtasyonî û Keyeyê Miqatebîyayişê Heywanan de xebatanê xo qedînay û xebata raştkerdişê dorûverî zî domnenê.

Serekîya Dayîreyê Karanê fenî ya Şaredarî ser 17 hezar û 54 metrekareyin ca de semedê tedawî û emelîyatê heywanan cayêko hîna modern awan kerd. Merkez de laboratuvar û emelîyatxane estê.

Beşa laboratuvarî de ultrason, amoritişê gonî û röntgen zî estê.Sewbînan merkez de 51 klubeyê kutikan, pisîngîn û heywananê gird û binyatê îdarî estê.

Xebata Merkezê Rehabîlîtasyonî û Keyeyê Miqatebîyayişê Heywanan yeno hedefkerdiş ke pêynîya aşma Îlonî biqedêyo.