Şaredarîya Amedî ya Şaristanê Girdî, bi munasebetê Roja Pawitişê Heywanan ê Dinya Merkezê Pawitiş û Rehabilîtasyonî yê Heywanan de wendekarî kerdî mêman.

Şaredarîya Şaristanê Girdî, bi munasebetê 4ê teşrîna verêne Roja Pawitişê Heywanan ê Dinya Merkezê Pawitekarîye û Rehabilîtasyonî yê Heywanan de wendekarî mêman kerdî.

Sekreterê Pêroyî yê Şaredarîya Şaristanê Girdî Emrullah Gorduk, Hetkarê Sekreterê Pêroyî Reşat Bakan û Serekê Daîreya Weşîye Wahap Saçaxlî ke beşdarê fealîyetî bîy, domanan reyde nêzdî ra eleqedar bîy.

Program de wendekarê ke kreş, verdibistane, dibistan verêne, wendegeho mîyanên, lîse û Merkezê Astengdaran ê Kayapinarî ra ameyî, seba ke hişmendîya heskerdişê heywanan bêro awankerdene, Merkezê Pawitiş û Rehabilîtasyonî yê Heywanan ameyî gêrnayene. Domanan, werê ke xo reyde ardî, heywanan rê dayî werdene.

Fealîyetî de wendekarî, derheqê 4ê Teşrîna Verêne Roja Pawitişê Heywanan, Qanûnê Pawitişê Heywanan û heskerdişê heywanan de ameyî agahdarkerdene. Wendekarî zî persê ke meraq kerdêne wezîfedaran ra persayî.

Fealîyetî de, wendekaran rê awa fêkî û kek ame dayene.

'Ma domananê xo de heskerdişê heywanan nika ra danê awankerdene'

Serekê Daîreya Karê Weşîye Wahap Saçaxlî, îfade kerd ke ê bi mêmankerdişê domanan keyf kenê. Saçaxlîyî ke dîyar kerd ke ê embazanş xo yê Mudirîya Bajarî ya Ziraetî, Unîversîteya Dîcle, Odaya Veterîneran û komela heqê heywanan reyde ameyî zîyaretê stargehî, wina qisey kerd: "Ma yew rojêka winasî de tîya de kom bîy. Eslê xo de ma vanê ke ma her wext heywananê xo bipawê, tena yew roje ney. Heywanî dostê ma yê, embazê ma yê. Coka ma zî sey keyeyan ganî heskerdişê heywanan domanê xo de wexto ke şenik bidê awankerdene. Ma fikirîyenê ke ma komelê xo zî na mana de bidê hîşyarkerdene. Ma fikirîyenê ke ma şêrê mekteban. Ma fikirîyenê ke ma seba domanan perwerdeyê eleqedarê heskerdişê heywanan dest bidê destpêke

rdene."