Şaredarîya Şaristanê Girdî ya Dîyarbekirî, filoya xo rê 49 otobusê newe îlawe kerdî. Merasîmê destpêkê erebeyan de hemşaredaran qisey kerd û dîyar kerd ke ê do seba komresêko emîn û konforin xizmetanê xo yê şarî dewam bikerê.

Şaredarîya Şaristanê Girdî, seba ke komresî de konfor zêde bikero û problemê resî çareser bikero filoya xo rê 49 otobusê newe îlawe kerdî. Seba destpêkê xebitîyayîşê erebeyanê neweyan Qezaya Kayapinarî de Îstasyonê Pirkerdişê Gazî de organîze bî. Merasîmê lansmanî de Hemşaredarê Şaredarîya Şaristanê Girdî Serra Bucak û Dogan Hatun, Sekreterê Pêroyî yê DBB’yî Emrullah Gorduk, Hemşaredarê Şaredarîya Baglar Leyla Ayaz û Sîraç Çelîk, Hemşaredarê Şaredarîya Yenîşehîrî Safîye Akdag û Mehmet Ergun, Hemşaredarê Şaredarîya Sûrî Fatma Gulan Onkol û Ednan Orhan, Hemserekê Şaristanî yê DEM Partî Abbas Şahîn, serekê daîreyan, endamê meclîsî û zaf kesî beşdar bîyî.

Qiseykerdişanê de Hemşardare Serra Bucak  va, “Şaristanê ma rê bixêr bo, bêqeza  û bela biweşîye bibo.” Û Hemşaredar Dogan Hatunî zî va, “Ma hêvî kenê ke pê nê otobusan ke ma herîmayî, şarî rê hîna baş xizmet do bêro kerdene.”