Guzeloglu madalyayê Xazîyî Kibrisî teqdîm kerd

Walî û Serekwekîlê Şaredarîya Bajarê Girdî ya Dîyarbekirî Hasan Basri Guzelogluyî, qepsema Rêziknameyê Madalyayanê Têkoşînê Milî de 170 Xazîyê Tevgerê Haştîye ya Kibrisî rê madalya daye.

Semedê Xazîyanê Tevgerê Haştîye Kibrisî qepsema Rêziknameyê Madalyayanê Têkoşînê Milî de merasîmê madalya virazîya.Merasîm Salonê Konferansî ya Karanê Awe ya Dewlete de serrast bî û merasim rê Walî û Serekwekîlê Şaredarîya Bajarê Girdî ya Dîyarbekirî Hasan Basri Guzeloglu, Parlementerî Dîyarbekirî Ebubekir Bal û Oya Eronat, Temsîlkarê Wezaretê Karanê Teberî Sefîr İbrahim Mete Yagli,Fermandarê Cenderme yê Mintiqa Tuxgeneral Mustafa Başoglu, Fermandarê Teyaregehê Jetan ya 8an Tuggeneral Ali Özmen,Fermandarê Mekanîze Tugayî yê 16an Ali Fuat Arikan, Rektorê Unîversîteya Dîcle Prof. Dr. Talip Gul, Midurê Asayîşê Bajarî Şukru Yaman,Hetkarî Walîyê, Qeymeqaman, Şaredarê Baxlarî Huseyin Beyoglu, Serekê DTSOyî Mehmet Kaya, Serekê Odeyê Esnaf û Sinatkaran yê Dîyarbekirî Alican Ebedinoglu, Midurê Wezaretê Karanê Sosyal û Xebitîyayîşî yê Dîyarbekirî Rifai Yildirim, Xazîyî Tevgerê Haştîye ya Kibrisî û keyeyanê înan beşdar bîyî.

Merasîm bi wendîşa Marşa Îstîqlalî û vindertîşê hurmetî destpêkerd û hetê Midurê Wezaretê Karanê Sosyal û Xebitîyayîşî yê Dîyarbekirî Rifai Yildirimî û Serekê Komela Xazîyan Siraç Ezerî giringîya na roje ser o qalîkerdiş ame viraştiş û badê Walî û Serekwekîlê Şaredarîya Bajarê Girdî ya Dîyarbekirî Hasan Basri Guzelogluyî heme şehîdan rê rehmet waşt û destpê qalîkerdişê xo kerd.

Walî Guzelogluyî:”Ma verba heme nêheqîyan de bedele c içi bibo zî vindenê.Ma dijminanê xo rê zî merhemet kenê, ferasete ma winasî yo.Cîhan sey kehen qirkerdişê çeteyanê Rum û Yunan de bê veng mend la şima 20ê Temmuze de tevgero ke nameye ci Haştîye yo da destpêkerdiş û şima Kibrisî rê zî haştîye ard.Ma bi heme gonîyê şehîdanê xo û bi têkoşînê xazîyan Kibrisî rê haştîye ardî.Heme leteyê no welate do bêro pawitiş, ma semedê hemwelatij û welate xo têkoşînê xo bê mîyan domnenê” vat.

Walî Guzelogluyî ard ziwan ke waştîşê Xazîyanê Kibrisî ser o Xazîyanê Kibrisî erşaweno Kibrisî û badê wina dewom kerd:”Waştîşê şima semed ma emr o.Ma do demêko nêzdî de semede şima û keyeyanê şima zîyaretêk bivirazîme.Bi Rayberîya Serekkomar Recep Tayyip Erdoganî heme cayon di welatê ma aver şiro.Sibaroje ye ma yo, sibaroje ye Tirkîya yo.”

Pêynîya merasim de Walî û Serekwekîlê şaredarîya Bajarê Girdî ya Dîyarbekirî Hasan Basri Guzeloglu madalyayî Xazîyanê Tevgerê Haştîye Kibrisî teqdîm kerd.