Turnuvaya Amed Cup 15. ê Tenîsî ke hetê Şaredarîya Amedî ya Şaristanê Girdî ra ameye organîzekerdene û 319 sporkarî beşdar bîyî bi maçanê fînalî qedîyaye.

Turnuvaya ke hetê Serekîya Daîreya Ciwanan û Sporî ra organîze bîye, 13 serrî û ser 4 kategorîyan de ameye kaykerdene. Turnuva 3 sahayan de - Kortê Tenîsî yê Girewteyî yê Park Ormanî û 75ê Kayapinarî, Parkê Ersîn Tatarî yê Baglarî û Kompleksê Sporî yê Aştîye yê 500 Evleran ê Kayapinarî - 10 kortan de ameye kaykerene. Mardîn, Şirnex, Batman, Riha û Semsûr ra pêro pîya 319 kesî (223 camêrdî, 96 cinî) beşdar bîyî.

Netîceyî:

•Cinîyan de Grûba A: 1. Heja Emekçî, 2. Moxînûr Ebdullaeva

•Camêrdan de Grûba A: 1. Zulkuf Polat, 2. Yemlîha Aşicî

•Cinîyan de Grûba B: 1. Hazal Ayaz, 2. Şenay Koç

•Camêrdan de Grûba B: 1. Sewaş Ayhan, 2. Fûad Coşacak

Merasîmê xelatan de Hemverfekê Meclîsê DBByî Ayhan Karatekîn û endamê Komîsyona Sporî xelatî dayî sporkaran.