8ê Adare Roja Cinîyanê Cîhane ame pîrozkerdiş

Bi tewrê Walî û Serekwekîlê Şaredarîya Bajarê Girdî yê Dîyarbekirî Hasan Basri Guzelogluyî û cinîya ey Ayşe Guzelogluye bi wayîrîya Şaredarîya Girdî 8ê Adare Roja Cinîyanê Cîhanê pê çalakÎyan me pîrozkerdiş.

Her serre 8ê Adare heme cîhanê de sey Roja Cinîyan yena pîrozkerdiş û emser zî bi wayîrîya Şaredarîya Girdî bi sewbîn çalakîyan Roja Cinîyanê Cîhanê ame pîrozkerdiş.Çalakîya Roja Cinîyanê Cîhanê, Merkezê Kultur û Kongreyî de bi tewrê Walî û Serekwekîlê Şaredarîya Bajarê Girdî yê Dîyarbekirî Hasan Basri Guzelogluyî û cinîya ey Ayşe Guzelogluye ame pîrozkerdiş.Sewbînan çalakîye rê Wezîrê demo viyarte M.Mehdi Eker, parlementer Oya Eronat û Ebubekir Bal, Temsîlkarê Wezaretê Karanê Teverî yê Dîyarbekirî İbrahim Mete û cinîya ey, Hetkara Walî Zerrin Çay Beşikçi, Qeymeqam û Serekwekîlê Şaredarîya Sûrî Abdullah Çiftçi û cinîya ey, Fermandarê Cenderme Tuxgeneral Mustafa Erdem û cinîya ey, Sekreterê Pêroyî yê Şaredarîya Girdî Muhsin Eryilmaz, Şaredarê Baxlarî Huseyin Beyoglu û cinîya ey, Şaredarê Hênî İbrahim Lale û cinîya ey, Serekê Ak Partîyê Dîyarbekirî Suleyman Serdar Budak, Serekê MHPê yê Dîyarbekirî Cihan Kayaalp, keyeyanê şehîdan û dayîkanê Dîyarbekirî û cinîyan beşdar bîyî.

Çalakî pê wendîşa Marşa Îstîqlalî û vindertişê hurmetî dest pêkerd û badê Qurana pîroz ame wendiş.Çalakî de sînevîzyonêk derheqê xebatanê Emine Erdogane ya cinîya Serekkomar Recep Tayyip Erdoganî ame nîşandayîş.Qalîkerdişê Hetkara Walî Zerrin Çay Beşikçiuye ra dima Walî û Serekwekîlê Şaredarîya Bajarê Girdî yê Dîyarbekirî Hasan basri Guzelogluyî giringîya roje ser o qalî kerd.