Hemşaredara Amedî Serra Bucak, beşdarê "Konferansê Netîceyê Atolyeyanê Amedî yê Sifir Eşteyî, Cugeh û Vurîyayîşê Îklîmî yê Tirkîya Prosesê COP31î de" bîye ke Unîversîteya Dîcle de ame viraştene.

Bucak vat ke krîzê îklîmî eynî wext de meseleya heqê cuye û şaristanî ya, û bale ant ser o ke îdareyê herêmkî û hemparîya komelkî vurîyayîşê ekolojîkî de rolêko krîtîk gênê.

Konferansî de ke Walîyê Amedî Murat Zorluoglu, Rektorê Unîversîteya Dîcle Kamuran Eronat, Weqfa Sifir Eşteyî ra Samed Agirbaş, dawetkerdeyî û wendekarî zî beşdarê ci bîyî; netîceyê atolyeyan ê tatbîqatê sifir eşteyî, têkoşînê vera vurîyayîşê îklîmî û polîtîkayanê cugehî raya pêroyî reyde ameyî parekerdene.

Konferansî ra dima Bucak standê ke berhemê wendekarê lîse û dibistananan ke eşteyan ra amadekerdeyî tede ameyî nawitene, geyra û melumat girewt.