Sondajê verênî yê sermîyangozarîya binawanîya awa şimitişî ke hetê Mudirîya Pêroyî ya DÎSKÎ ra seba taxan ê dewanê qezayanê merkezî û 13 qezayan ame plankerdene, Baglar, Yenîşehîr û Çinarî de dest pêkerd.

Çarçewaya sermîyangozarîye de ke do 1080 rojan dewam bikero, 45 hezar metre bîrê sondajî, 50 depoyê awa şimitişî û 282 hezar û 200 metre xeta şebekeyî do bêrê caardene, û amancê ci taxanê dewan de resayîşê awa şimitişî ya biweşî û bêmabên bêro xurtkerdene.

Bi projeyê hemparî, çimeyê neweyê awa binerdî do bêrê tatbîqkerdene, xetê neqlê enerjîye û sîstemê pompa do bêrê awankerdene, û binawanîya şebekeyî bingeyê waranê ciwîyayîşî de do newe ra bêro plankerdene.

Etapê verênî de bîrê sondajî de ke Taxa Aşagikonakê Çinarî de ame temamkerdene, resa kapasîteya debîyî ke hewcedarîya di taxan ano ca.