Walî Karaloglu xebatanê Borsayê Heywanan sehna

Walîyê Dîyarbekirî Munîr Karaloglu xebatanê Borsayê Heywanan sehna û mijdan daye ke 6ê Temmuze de roja Dişeme Borsayê Heywanan bêro akerdiş.

Walî Karaloglu xebatanê Borsayê heywanan sehna û derheqê xebatan di selahîyetdaran ra agahî girewt.Walîyê Dîyarbekirî Munîr Karaloglu, Hetkarê Sekreterê Şaredarî Ayhan Kardan, serekê dayîreyê şaredarî,Serekê DTB Engin Yeşil, Midurê Zîretê Bajarî Mustafa Ertan Atalar û selahîyetdarê beşan pîya Borsayê Heywanan di gêrayî û goşdarîya problem û waştîşanê hemwelatîyan kerde.

Sehnayîş ra dima Walî Karalogluyî vîr vist ke Borsayê Heywanan qepsema Vîrusê Corona(Covid-19) ameybi qefelnayiş û badê qalîkerdişê xo wîna domna:” Tîya qepsema vergirewtîşê Vîrusê Corona mabên dayebi xebatanê xo û ma zî no mabên de temîr û qemasîyê tîya tespit kerd û dest pê xebatan kerd.Ma semedo ke qemasî û sîstemê tîya ca de bivînê tîya de yê.”

Heme wesayîtan dekewtîşê Borsayê Heywanan di bêrê dezenfektekerdiş

Walî Karaloglu bal ont giringîya Borsayê Heywanan ya Dîyarbekirî ser o û aşkera kerd ke bajarî ma semedê heywandarîyê bajarêko zaf girîng o.Walî Karalogluyî:”Bajarî ma hetê bîyayeyê heywanan zaf dewlemend o.Ma eşkenê vajîme ke tîya merkeze Borsayê heywanan o û o semed tîya hem semedê bajarî ma hem zî semedê bajaranê dormeleyî cayêko girîng der o.Tîya de xeyle xebat virazîya.Endî di heb dekewtîşê Borsayê Heywanan este û endî heme wesayîtan dekewtîşê Borsayî de bêrê dezenfektekerdiş.”

Ser cayêko 300 donim Borsayê Heywanan ya newe

Walî Karalogluyî aşkera kerd ke Borsayê nika ser cayêko 125 donim ser ameyo awankerdiş û semedê Dîyarbekir û semedê waştîşanê hemwelatîyan qem maneno.Badê Karalogluyî wîna dewom kerd:”Şaredarîya Girdî serra 2017 de semedo cayêko newe ya borsayê heywanan xebatêk viraşto û 300 donim cayêk xezîneya dewlete ra derbasê şaredarî beno û xizmetanê hînî weş biderê şarî.”

Walîyê Dîyarbekirî Munîr Karalogluyî mijdan daye ke 6ê Temmuze roja Dişeme Borsayê Heywanan bêro akerdiş.

Serrnameyî de bigêre

« Adare 2021 »
Diş Sêş Çrş Pan Yen Şem Yşm
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31