Print this page

Şaredarî ra îqazê şewatê fireze

Serekîya Dayîreyê Îtfaîya ya Şaredarîya Bajarê Girdî ya Dîyarbekirî derheqê şewatê fireze de aşkerayîyêk weşana û citkaran îqaz kerd.

Şewatê firêze her roje bena jede û o semed Serekîya Dayîreyê Îtfaîya ya Şaredarîya Bajarê Girdî ya Dîyarbekirî aşkerayîyêk weşana û hemwelatîyan derheqê şewatê fireze de îqaz kerd.Wextê paleyî ver Hezîran ra nata şewatê firêze bena jede û hem semedê hemwelatîyan hem zî semedê heywanan zaf tehlukeyîn o.Ekîbê îtfaîya her roje mudaxalayê şewatê firêze kenê.

Serekîya Dayîreyê Îtfaîya ya Şaredarî aşkera kerd ke aşma Hezîrane de ekîbê îtfaîya 609 şewatê vaş,firêze û simer û 43 şewatê keye, 50 şewatê wesayîtî rê mudaxale kerd.Aşkerayîye wîna dewom kerd:”Citkaranê ma semedo ke hegayî xo vaşan ra pak bikerê pê ferasetêko xelet şewatanê firêze rê sebeb bene û citkaranê ma nêzanê ke şewatan di çîyanê faydeyîn zî çîn bena.Çi heyfo ke ma zaneme ke şewatanê firêze de se ra 94 hetê citkaran yenê viraştiş û ganî hemwelatîyan cixareyî xo meerze hegayan û o semed ma heme hemwelatîyanê x ora hîstenîkîye wazenê.