Taxa Kopru de xebata rayîrê dest pêkerd

Qezaya Bismîlî taxa Kopru de rayîrê dewe  Awbenda Prof.Dr.Veysel Erogluyî(Ilısu)  ver binê awe de mendbi û hemwelatîyan xeylê mexdûr bîyî. Talîmatê Walîyê Dîyarbekirî Munîr Karalogluyî ser o Şaredarîya Bajarê Girdî ya Dîyarbekirî qezaya Bismîlî taxa Kopru de xebata rayîrê da destpêkerdiş.

Qezaya Bismîlî taxa Kopru de rayîrê dewe  Awbenda Prof.Dr.Veysel Erogluyî(Ilısu)  ver binê awe de mendbi û hemwelatîyan xeylê mexdûr bîyî.Şaredarîya Bajarê Girdî ya Dîyarbekirî semedo ke problemê hemwelatîyan çareser bikerê pê talîmatê Walîyê Dîyarbekirî Munîr Karalogluyî rayîrê dewe de xebat daye dest pêkerdiş.Serekîya Dayîreyê Rayîr û Binawanîyê ya Şaredarî, 3.5 kîlometre dergî yo rayîrê dewe de xebata stabîlîze virazeno û pê qedêyayîşê xebata stabîlîzê asfalto germin bêro rişnayîş.

Serekîya Dayîreyê Rayîr û Binawanîye pêynîya hewte de 1.7 kîlometre rayîrê dewe de xebata stabîlîze kerd temom û aşkera kerd ke bi leze xebata tîya bêro qedêyayîş û rayîrê newe bikuwe xizmetê şarî.

Hemwelatîyanê dewe zî xebatanê şaredarî û hîstenîkîyê Walîyê Dîyarbekirî Munîr Karalogluyî ver spas kerd û keyfweşîyê xo ard ziwanê xo ser.