Print this page

Şaredarî cinîyan rê kurs akerd

Şaredarîya Bajarê Girdî ya  Dîyarbekirî semedo cinîyan bikero wayîrê meslegêk, pê hemkarîyê ÎŞKURî 4 cîya branşan di kurs akerd.

Şaredarîya Bajarê Girdî ya Dîyarbekirî semedo ke cinîyan bikero wayîrê karî bê mabên xebatanê xo domneno.Şaredarî na rey zî seba cinîyan pê hemkarîyê ÎŞKURî 4 cîya kurs akerd.Rayberîyê Serekîya Dayîreyê Xizmetanê Keye û Cinîyan ya Şaredarî, Kursanê Şekîldayîşê Nuweqet û Daîmîyê Porî, Hadrekerdoxê Rojanê Taybet û Viraştoxê Şekirê Veyveyî, Kursê Makyajo Esasî û Hadrekerdoxê Odeyê Tutî de perwerdeyon dest Pêkerd.Perwerdeyê kursan aşma Tebaxe de dest Pêkerd û heta aşma Teşrîne dewom bikero.Kursan di emrê înan ke 16-45 serrî 48 cinî perwerde vîneno.

Perwerdeyê kursanê  Hadrekerdoxê Rojanê Taybet û Viraştoxê Şekirê Veyveyî,  Cayê Ma ya Cuya Muşterek ya Sumerparqî de, kursê Şekîldayîşê Nuweqet û Daîmîyê Porî Lokalê Cinîyan û Merkezê Sporî  ya Parkê Koşuyolî de,  Kursê Makyajo Esasî Merkeezê Cuya Cinîyan ya Yenîkoyî de, û Hadrekerdoxê Odeyê Tutî Merkezê Cuya Cinîyan ya Ben û Sen de hetê 4 perwerdekaranê pîspor ya Midurîya Merkezê Perwerdeyo Şarî yena dayiş.

Eke cinîyan kursê xo bi serkewte qedîna, sertîfîkaya ke hetê Wezaretê Perwerdeyî yê Mîllî (MEB) ra testîqkerdî ya dîyena înan. Heto bîn ra hetê ÎŞKURî ra zî rojane 30 TL pere dîyeno cinîyan û sigortaya(GSS) înan zî yena viraştiş.