Çalakîyê “Maye-Gede” da dest pêkerdiş

Şaredarîya Bajarê Girdî ya Dîyarbekirî semedo ke gede û maya înan yê dezavantajînan rê  prosesê Vîrusê Korona de piştgirîye bide bi name “Maye-Gede” çalakîyêk da dest pêkerdiş.

Gedeyanê Banê Zanayîşî nêzdîyê 6 aşmî yo ke hem perwerdeyan ra hem zî çalakîyan ra qem mendbi û Serekîya Dayîreyê Xizmetanê Ciwan û Sporî ya Şaredarî zî semedê gedeyanê Banê Zanayîşî çalakîyêk da destpêkerdiş.

Çalakî pê name “Maye-Gede” dest pêkerd û şaredarî hedef kenê ke her hewte pê yew keyeyî bêra têhet û prosesê Vîrusê Korona de problemê gedeyan yê sosyo-kulturî çareser bikero.Sewbîann çalakîyan hewayo akerde de gora tedbîranê Vîrusê Korona yena viraştiş.Çalakîya sifte hetê perwerdekaranê pîspor Daxkapî û Kaleya Zerrî de dest pêkerd.Perwerdekaran derheqê têkilîyê gedeyan de agahî daye maya înan.

Keyeyanê gedeyan ewilî çalakîye ver selahÎyetdaranê şaredarî rê spas kerd û aşkera kerd ke gedeyan zaf tesîrê prosesê Vîrusê Korona de mendbi.