Kursê asnawkerdişî dewam kena

Şaredarîya Bajarê Girdî ya Dîyarbekirî semedê tutanê ke emrê înan mabênê  7-17 serrî yo kursê asnawkerdişî akerdbi û dersa asnawkerdişî Hewza Olîmpîke ya ke Seyrantepe TOKÎ de dewam kena.

Şareadrîya Bajarê Girdî ya Dîyarbekirî semedo ke tutî tetîl de spor bikerî û kabîlîyetê xo aver berê, semedê înan kursê asnawkerdişî  akerdbi. Dersa anawkerdişî, Hewza Olîmpîke ya ke Seyrantepe TOKÎ de, roja dişeme, sêşeme,çarşeme, panşeme û îne dersa asnawkerdişî yena dayîş. Tutê ke derse gene kesê ke asnaberî zanenê û nêzanenê ameyê cêrakerdiş û bi no qayde şinê asnaw kenê. Dersanê asnawkerdişî hetê perwerdekaranê pîspor yena dayîş.

Heme tewirê ansawkerdişî musenê

Gedeyanê ke dersa asnawkerdişî gênê ewil hetê perwerdekaran ra cayê kabîna kincvetişî de yenê hadrekerdiş. gedeyanê ke kewenê mîyanê awe, verê cû kabînan de sereyê xo şuwenê û dima ra kewenê awe. Semedo ke wa yewêk ra nêweşî vila nêbo heme çi gora tedbîranê Vîrusê Korona yena viraştiş.

Sewbînan heme cayanê hewze û odeyan yenê dezenfektekerdiş û semedo ke weşîya heme  gedeyan bipawo pê TC weşîya gedeyan takîb keno.