Golekan de xebat dest pêkerd

Şaredarîya Bajarê Girdî ya Dîyarbekirî semedo ke zîret û heywandarî taxanê bêjayî de aver şêrê û binawanîye avdayîşî xêz bikerê  viraştiş û pînekerdişê golekan domneno.

Şaredarîya Bajarê Girdî ya Dîyarbekirî semedo ke zîret û heywandarî taxanê bêjayî de aver şêrê û binawanîye avdayîşî xêz bikerê  viraştiş û pînekerdişê golekan domneno.Şaredarîya Girdî 7 qeza de pînekerdişê 22 heb goleke avdayîşî rê dest pêkerd.Serekîya Dayîreyê Xizmetanê Bêjayî ya Şaredarîya Girdî projeyanê 2020 îhale kerd û qezayanê Çêrmûg,Bismîl,Çinar û Erxenî, Peyas, Sîlîva û Sûr de pînekerdişê 22 goleke da dest pêkerdiş.

Şaredarî hetêk ra golekan de xebata pînekerdişî domneno hetêk ra zî waştîşanê hemwelat û muxtaran ser o golekanê newe awan keno.

Serekê Dayîreyê Xizmetanê Bêjayî ya Şaredarî Nıhat Nurbaki, qezayê Çêrmûgî goleke dewanê Kuştîyan, Gurîz û Bîr wekenit û derheqê xebatan di agahî daye. Nurbakı aşkera kerd ke 7 qeza de xebata temîrê 22 goleke dest pêkerdo û yena hedef kerdiş ke mabênê 60 rojî de temom bikerê.Nurbakı bal ont giringîya golekan ser o û dîyar kerd ke 22 taxî de zî golekanê newe bêrê awankerdiş.

Şaredarîya Girdî rê spas

Nurbakî muxtar Û hemwelatîyan ra pêvînayiş viraşt û derheqê xebatan ser o agahî daye înan.Muxtar û hemwelatîyan aşkera kerd ke xebata heywandarîye de gölek cayêko giring der o û o semed Walîyê Dîyarbekirî Munır Karaloglu û selahîyetdaranê şaredarî rê spas kerde