Seba neweş û kokiman kurs

Şaredarîya Bajarê Girdî ya Dîyarbekirî pê hemkarîya ÎŞKURî semedo ke dayikê sêwiran piştî bidê neweş û kokiman kursê Ciewnîyayişê Neweş û Kokiman akerd.

Şareadrîya Bajarê Girdî ya Dîyarbekirî seba cuyêko bêasteng şewe û roje xebatanê xo domneno.Şaredarîya Bajarê Girdî ya Dîyarbekirî pê hemkarîya ÎŞKURî semedo ke dayikê sêwiran piştî bidê neweş û kokiman kursê Ciewnîyayişê Neweş û Kokiman akerd.

Qursîyeran kurs de  heme tewirê ewnîyayişê neweş û kokiman bimusê.Sewbînan perwerdekaran derheqê heme derman û pawitişê neweşîyan ser o zî agahî biderê beşdaran.

Eke dayikê sêwiran kursê xo bi serkewte qedîna, sertîfîkaya ke hetê Wezaretê Perwerdeyî yê Mîllî (MEB) ra testîqkerdî ya dîyena înan. Heto bîn ra hetê ÎŞKURî ra zî rojane pere dîyeno  kursîyeran û sîgortaya înan (GSS)zî yena viraştiş.