Sporbazan rê malzemeyê sporî ame vilakerdiş

Şaredarîya Bajarê Girdî ya Dîyarbekirî pê slogana “Malzeme temom sporî rê dewom” klûbanê amator ya sporî rê 62 hezar û 946 heb malzemeyê sporî ame vilakerdiş.

Serekîya Dayîreyê xizmetanê Spor û Ciwanî ya Şaredarîya Bajarê Girdî ya Dîyarbekirî wesîleya 5-11 Îlone Hewteyê Sporî ya Amator, klûbanê  amator ya bajarî rê pê slogana “Malzeme temom sporî rê dewom” 62 hezar û 946 heb malzemeye sporî pê merasîm ame vilakerdiş.

Merasîm Merkezê Sporî ya Talaytepe de pê tewrê Walîyê Dîyarbekirî Munir Karaloglu, Parelmenterê Dîyarbekirî Ebubekir Bal, Midurê Xizmetanê Sporî ya Bajarî Mehmet Baykan, Serekwekîlê Federasyonê Sporî ya Tirkîya Ali Duşmez, Serekê Federasyonê Asnaberî Erkan Yalçin, serekê Federasyonê Jîmnastîk Suat Çelen, Serekê Federasyonê Gulaşî Musa Aydin, Serekê Federasyonê Atletîzmî Fatih Çifttimar û protokole bajarî virazîya.

Ma kişta sporbazan de yê

Merasîm de Walîyê Dîyarbekirî Munir Karalogluyî qalî kerd û wina va: “Klûbanê amator ya sporî de hem karbidestan hem zî sporbazan pê fedakarî xebitiyenî û ez ewilî înan pîroz kena û spas kena.Bajarî ma de 76 hezar sporbazê bilîsans û 255 klûbê ma estê la ma wazemê ke hînî aver şêrê.57 sporbazê millî ya Diyarbekirij esta û înan ra 4 hebî do beşdarê musabaqayê olîmpîkî bibê.”

Walî Karalogluyî dîyar kerd ke piştgirîyê înan do dewom bikero û  ma ewro “Malzeme temom sporî rê dewom” va û ma do ewro 24 branş de 201 klûbê sporî rê 62 hezar û 946 heb malzemeye sporî vila bikerî” vat.

Merasîm qalîkerdiş û vilakerdişê malzemeyan dima qedîya.