Print this page

Cadeyê Ahmet Kaya di xebata asfaltkerdişî qedîya

Şaredarîya Bajarê Girdî ya Dîyarbekirî Cadeyê Ahmet Kaya yo ke Rayîrê Rîha ra giredayîyê, xebatanê asfalto germin qedînayî.

Şaredarîya Bajarê Girdî ya Dîyarbekirî, her hetê bajarî de xebatanê asfaltkerdişî domneno.Serekîya Dayîreyê Ciewnîyayiş û Viraştişê Rayîr û Binawanîye ya Şaredarîya Bajarê Girdî ya Dîyarbekirî, Cadeyê Ahmet Kaya yo ke Rayîrê Rîha ra giredayîyê, xebatanê asfalto germin temom kerd û kewt xizmetê şarî.

Ekîbê Şaredarîya Girdî ewilî Cadeyê Ahmet Kaya de dergîya 350 metre rayîr de pêroyî de 500 ton asfalto germin ravist û kerd xizmetê şarî.

Cadeyê Mezopotamya de xebatan dewom keno

Sewbînan Şareadrîya Girdî qezaya peyasî Cadeyê Mezopotamya yo ke rayîrê Rîha û Xarpêtî ra giredayîyê, xebata asfalto germin da dest pêkerdiş û tîya de pêroy3ı de 6 hezar û 500 ton asfalto germin Bêro rokerdiş.

Serekîya Dayîreyê Ciewnîyayiş û Viraştişê Rayîr û Binawanîye ya Şaredarîya Bajarê Girdî ya Dîyarbekirî, semedo ke rayÎranê hînî konforin xebatanê xo domneno.